बाँकेको राप्तीसोनारी गाउँपालिकामा सोमवार अपराह्न मोटरसाइकल दुर्घटनामा परी १ जनाको मृत्यु भएको छ ।

राप्तीसोनारी–७ मा भे६प ७२४० नम्बरको मोटरसाइकलले ठक्कर दिँदा स्थानीय ६९ वर्षीया करुवा थारुको मृत्यु भएको जिल्ला प्रहरी कार्यालय बाँकेका प्रवक्ता सुभाष खड्काले जानकारी दिए ।

उनका अनुसार राप्तीसोनारी–४ नयाँबस्ती बैजापुरका २६ वर्षीय निमप्रसाद थारुले चलाएको मोटरसाइकलको ठक्करबाट गम्भीर घाइते करुवाको शिक्षण अस्पताल नेपालगञ्जमा उपचारका क्रममा मृत्यु भएको हो । 

मोटरसाइकलसहित चालक थारुलाई नियन्त्रणमा लिई जिल्ला प्रहरी कार्यालयबाट थप अनुसन्धान भइरहेको प्रहरी नायब उपरीक्षक खड्काले बताए ।