दाङमा खोलाले जीप बगायो, ५ यात्रु हामफालेर सुरक्षित

दाङमा खोलाले जीप बगायो, ५ यात्रु हामफालेर सुरक्षित

दाङमा अविरल वर्षासँगै आएको बाढीले यात्रुुबाहक जीप बगाएको छ ।


Advertisement

जीपमा सवार ५ जना यात्रुुले हामफालेर ज्यान जोगाएका छन् । 


Advertisement

मंगलवार राति ५ जना यात्रु सवार जीप गढवा गाउँपालिका–२ महदेवास्थित खौरा खोलाले बगाएको जिल्ला प्रहरी कार्यालय दाङले जनाएको छ । 

राति करीब ११ बजेतिर बा१७च ५३४४ नम्बरको जीप गढवाबाट पोखरातर्फ जाँदै गर्दा खोलामा आएको बाढीले बगाएको जिल्ला प्रहरी कार्यालय दाङका एसपी सुरेश काफ्लेले जानकारी लिए । 


Advertisement

प्रहरी घटनास्थलमा पुग्नुअगावै ५ जना यात्रु गाडीबाट सकुशल निस्किसकेका थिए । ‘मानवीय क्षति भएको छैन । गाडीमा भने क्षति पुगेको छ,’ एसपी काफ्ले भने, ‘खोलामा बगेको गाडी निकाल्ने प्रयास भइरहेको छ ।’ 

पूर्वपश्चिम राजमार्ग अन्तर्गत नर्ती र लमहीकोबीचमा पर्ने मजगाउँमा पर्यटक बोक्ने बा१प १३३८ नम्बरको बस दुर्घटनामा परेको छ ।

बस चिप्लिएर सडक किनारामा पल्टिएको छ तर मानवीय क्षति भएको छैन । बसमा चालक र सहचालक मात्रै रहेको तथा यात्रु लिनको लागि जाँदै गर्दा दुर्घटनामा परेको छ ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्