प्रधानमन्त्री एवं नेपाली कांग्रेसका सभापति शेरबहादुर देउवाले दलहरू बीच एकता र सहकार्यमा जोड दिएका छन् ।

नेकपा एमालेको १०औं राष्ट्रिय महाधिवेशन उद्घाटन समारोहलाई शुक्रवार चितवनमा सम्बोधन गर्दै देउवाले देश र जनताका मुद्दामा संवाद र सहकार्यको आवश्यकता औंल्याएका हुन् ।

देउवाले आफू र ओली जेल बस्दा देखिको साथी 'जेलमेट' भएको स्मरण गरे । 'हामी जेलमा पनि सँगै बसेका हौं,' उनले भने ।

एमाले महाधिवेशन उद्घाटन समारोह चितवनस्थित नारायणी नदी किनारमा जारी छ । पार्टीको बन्द सत्र भोलिदेखि सौराहामा हुनेछ ।