नेकपा एमालेका उपाध्यक्ष भीम रावलले अध्यक्षमा उम्मेदवारी दिने निर्णयमा आफू अडिग रहेको बताएका छन् । उनले पदाधिकारीको संख्या थप गर्ने विषयमा पार्टीमा छलफल नै नभई प्रस्ताव आएको टिप्पणी गरे । 

शनिवार दिउँसो महाधिवेशनको बन्दशत्रमा प्रवेश गर्नुअघि लोकान्तरसँग कुरा गर्दै रावलले अध्यक्षमा उम्मेदवारी दिने बताएका हुन् । ‘अध्यक्षको उम्मेदवारी दिन्छु, प्रतिनिधिसँग कुरा गरिरहेको छु, प्रत्येकलाई चिन्छु । विधि पद्धतिमा विश्वास गर्ने सबैले मलाई समर्थन गर्नुहुन्छ,’ रावलले भने । 

१८ पदमा सहमति भएर अध्यक्ष मात्र बाँकी रहेको अवस्थामा के गर्नुहुन्छ भन्ने जिज्ञासामा रावलले भने, ‘म राजनीतिमा काल्पनिक भन्दा पनि यथार्थ कुरा गर्छु, त्यतिबेला सहमति भएछ भने तपाईंहरूसँग फेरि कुरा गर्छु ।’