नेपाली कांग्रेसका सभापति एवं प्रधानमन्त्री शेरबहादुर देउवाले पार्टीको महाधिवेशन उद्घाटन समारोहमा एकदमै छोटो भाषण गरेका छन् ।

'चिसोका कारण रामचन्द्रजी धेरै बोल्न सक्नुभएन, म पनि लामो भाषण गर्दिनँ' भन्दै मन्तव्य शुरू गरेका देउवाले आफूलाई महाधिवेशनमा जिताउन आग्रह गर्दै मन्तव्य टुंग्याए ।

'कांग्रेसको सरकार रहिरह्यो भने स्थानीय सरकार कांग्रेसको हुनेछ । कांग्रेसको सरकार रहिरह्यो भने केन्द्रको सरकार पनि कांग्रेसकै हुनेछ । त्यसकारण मलाई जिताइदिनुस् । डर त्रासबाट मुक्त सरकार ल्याएर छाडिन्छ,' भृकुटीमण्डपमा शुक्रवार आयोजित उद्घाटन समारोहमा देउवाले भने ।

उनले करीब ५ मिनेट मात्र बोलेका थिए ।

देउवा सभापतिमा दोहोरिने इच्छासहित पुन: सभापतिको उम्मेदवार बन्दैछन् । संस्थापनइतर पक्षबाट भने उम्मेदवारको टुंगो लागिसकेको छैन ।