×

Nic Asia
Marvel

गौर नरसंहार मच्चाउने धम्की

आफ्नै अभिव्यक्तिले निशानामा मन्त्री यादव, सीके राउत भन्छन्– तत्काल बर्खास्त गरियोस्

काठमाडाैं | माघ ६, २०७८

TVS INSIDE

भौतिक पूर्वाधार तथा यातायात मन्त्री रेणु यादवले सार्वजनिक कार्यक्रममा जनमत पार्टीका अध्यक्ष डा. सीके राउतसहित उनका कार्यकर्तालाई लक्षित गर्दै हिंसात्मक चेतावनी दिएपछि मन्त्री यादवको  तीव्र आलोचना शुरू भएको छ ।

IME BANK INNEWS
morang Auto yamaha

माघ ५ गते बलिदानी दिवसको अवसरमा रौतहटको गौरमा जनता समाजवादी पार्टीले आयोजना गरेको कार्यक्रममा मन्त्री यादवले गौर नरसंहार जस्तै घटना दोहोरिने चेतावनी दिएकी थिइन् ।


Advertisment
NMB BANK
Saurya island

जनमत पार्टीले अहिले तराई–मधेशका विभिन्न जिल्लामा किसानका विविध माग राखेर आन्दोलन गर्दै आएको छ ।

त्यसक्रममा हिजो बुधबार उक्त कार्यक्रममा सहभागी हुन पुगेकी मन्त्री यादवलाई जनमत पार्टीको नेतृत्वमा भइरहेको किसान आन्दोलनका आन्दोलनकारीहरूले कालो झण्डा देखाउँदै अवरोध सिर्जना गरेका थिए ।

Vianet communication
Maruti inside

ठूल्ठूला लाठीमा कालो झण्डा राखेर प्रदर्शन गरिएको थियो ।

तर बलिदानी दिवसको अवसरमा अभिव्यक्ति दिने बेला मन्त्री यादवले राउतसहित उनका नेता तथा कार्यकर्ताहरूलाई सामूहिक नरसंहार गर्न सकिने चेतावनी दिएकी थिइन् ।

गौर राइस मिलमा भएको नरसंहार तत्कालीन मधेशी जनअधिकार फोरमले गरेको दाबी गर्दै राउत र उनका कार्यकर्ताको पनि त्यही हाल हुने चेतावनी यादवले दिएकी थिइन् । सामाजिक सञ्जालमा भाइरल भइरहेको उक्त भिडियोमा मन्त्री यादवले हिन्दी भाषामा भने थिइन् (भावानुवाद):

यो गौर(रौतहट)ऐतिहासिक जिल्ला हो । यहाँको राइस मिलको अहिले जीवित इतिहास छ। आज बलिदानी दिवसको दिन हामी हिंसा गर्दैनौं । लाठी भाटा देखाए यहाँको मान्छे पनि लाठी चलाउन जान्छन् । तपाईंको लाठी र भाटालाई तोडेर यहीँ बन्द गराइदिन सकिन्छ । गाई र भैंसीको दूध खाएका छौ भने सिंहदरबारमा भेटौं । डाक्टर साहेबले अमेरिकामा घाँसपात खाएका होलान् । हाम्रो शरीरमा गाई र भैंसीको दूधले रगत बनेको छ । डाक्टर साहेबलाई भन्न चाहन्छु, हामीसँग नजुध्नुस् । तपाईंलाई घेराबन्दी गरेर मारी दिइन्छ ।

२०६३ सालमा तत्कालीन मधेशी जनअधिकार फोरम र नेकपा माओवादी केन्द्रका कार्यकर्ताहरूबीच झडप हुँदा २८ जनाको मृत्यु भएको थियो। मारिनेमा अधिकांश माओवादीका कार्यकर्ताहरू थिए ।

फोरम कार्यकर्ताले माओवादी कार्यकर्तामाथि सांघातिक हमला गरेका थिए । एउटा सार्वजनिक कार्यक्रममा मन्त्री जस्तो पदमा आसीन भएको व्यक्तिले हिंसात्मक चेतावनी दिएपछि उनको चौतर्फी आलोचना भइरहेको छ ।

मन्त्रीको उक्त अभिव्यक्तिप्रति जनमत पार्टीका अध्यक्ष डा. सीके राउतले पनि आपत्ति जनाएका छन् । यस्तो अभिव्यक्ति दिने व्यक्तिलाई तत्काल मन्त्री पदबाट बर्खास्त गर्नुपर्ने उनको माग छ ।

यस विषयमा लोकान्तरलाई प्रतिक्रिया दिएका राउतले भने–

यो एउटा साधारण व्यक्तिले दिएको अभिव्यक्ति होइन, संघीय सरकारको भौतिक पूर्वाधार तथा यातायात मन्त्रीले सार्वजनिकरूपमा दिएको अभिव्यक्ति हो। त्यो पनि उक्त पार्टीको नेतृत्वको उपस्थितिमा भनिएको अभिव्यक्ति हो । उनको अभिव्यक्ति रौतहटको गौर नरसंहारको स्वीकारोक्ति पनि हो कि हामी सबैले मिलेर २८ जनाको हत्या गरेका थियौं भन्ने । उक्त घटनाका फरार अभियुक्तहरूलाई तत्काल पक्राउ गर्ने तयारी सरकारले गर्नुपर्छ । आपराधिक हिंसात्मक घटनालाई बढावा दिने मन्त्री यादवलाई नेपाल सरकारले तत्काल बर्खास्त गरेर कानूनीरूपमा मुद्दा चलाउनु पर्छ ।

उनको अभिव्यक्तिलाई हामीहरूले किसान आन्दोलनको विरोधमा पनि लिएका छौं। किसान आन्दोलनलाई दबाउने उद्देश्यले नेतृत्वमाथि पनि सिधा प्रहार गरिएको छ । किसान आन्दोलनकारीहरू त्यसप्रति सचेत हुनुपर्छ ।

तर, मन्त्री यादवले आफूले राउतलाई मारिदिने, वा गौर नरसंहार जस्तै नरसंहार मच्चाउने धम्की दिने कुनै शब्द नै प्रयोग नगरेको बताइन् ।

'बरु उनका कार्यकर्ताहरूले हाम्रा कार्यकर्ताका मोटरसाइकल तोडफोड गरेका थिए । हामीले आयोजना गरेको बलिदानी दिवसको कार्यक्रममा अवरोध गरेका थिए,' मन्त्री यादवले लोकान्तरसँग भनिन्, 'मैले उनको वा उनका कार्यकर्ताको हत्या गर्ने भनेर कहीँ पनि भनेकै छैन ।'

हिंसात्मक राजनीति गर्न चाहँदैनौं भनेर आफूले भनेको उनले बताइन् ।

'रासायनिक मलको आपूर्तिलाई लिएर आन्दोलन गरिरहेको हो भने उहाँ पनि त डाक्टर नै हो, मलको कस्तो अभाव छ भन्ने कुराको त ज्ञान होला नि' भनेर भनेको उनले जिकिर गरिन् ।

'तपाईं डाक्टर हो भने रिसर्च गर्नुस् कि मलको कारखाना कसरी खोल्न सकिन्छ, सरकारले भारतसँग मल खरिद गर्नका लागि एमओयू गरेको छ । केही दिनमै मल अभाव अन्त्य हुन्छ भनेर भनेको थिएँ,' उनले थपिन् ।

गौर राइस मिलको प्रसंगमा बोले पनि नरसंहार गरिदिने भनेर धम्की नदिएको उनको जिकिर छ।

'यही गौरको राइस मिलमा मधेश आन्दोलनको महान क्रान्ति भएको थियो । उक्त आन्दोलनबाट प्राप्त भएका उपलब्धिलाई संरक्षण गर्दै बाँकी उपलब्धिका लागि संघर्ष गर्दै जाने भनेको थिएँ,' उनले भनिन् ।

 'मैले बोल्दै नबोलेको कुरालाई लिएर ममाथि झुटो तथा कपोलकल्पित आरोप लगाइएको छ,' उनले लोकान्तरसँग भनिन् ।

अहिले जस्तो दाबी गरे पनि मन्त्रीले बोलेको भिडियो सामाजिक सञ्जालमा भाइरल छ ।

TATA Below
NLIC
जेठ १५, २०७९

तारा एयरको विमान हराइरहेको भनिएको मुस्ताङको कोवाङ क्षेत्रमा बाक्लो हुस्सु लागेपछि खोजी कार्यमा समस्या भएको छ । बाक्लो हुस्सु लागेको हुँदा उक्त क्षेत्रमा विमान खोज्नका लागि हेलिकप्टर समेत जान सकेका छैन ।&...

जेठ १५, २०७९

पोखराबाट जोमसोम उडेको तारा एयरको विमान हराएपछि खोज्न गएको फिस्टेल एयरको हेलिकप्टर बीचबाटै डाइभर्ट भएको छ ।  मौसम खराबीको कारण हेलिकप्टर जोमसोममा डाइभर्ट गरिएको त्रिभुवन अन्तर्राष्ट्रिय विमानस्थलका महाप्...

जेठ १५, २०७९

गृहमन्त्री बालकृष्ण खाणले कास्कीको पोखराबाट मुस्ताङको जोमसोमका लागि उडेको तारा एयरको 9N AET कल साइन भएको जहाज खोजी कार्यमा कुनै कसर बाँकी नराख्न सम्बन्धित निकायलाई निर्देशन दिएका छन् । कास्कीका प्रमुख जिल्ला ...

जेठ १५, २०७९

हराएको तारा एयरलाइन्सको जहाज खोज्न नेपाली सेनाको एमआई ५७ हेलीकप्टर खोज्ने काठमाडौंबाट उठेको छ ।  नेपाली सेनाका प्रवक्ता सैनिक सहयाक रथी नारायण सिलवालका अनुसार सेनाको हेलिकप्टर उद्धार टोली लिएर मुस्त...

जेठ १५, २०७९

गठबन्धन सरकारले आज आगामी आर्थिक वर्षका लागि बजेट सार्वजनिक गर्ने भएको छ ।  अर्थमन्त्री जनार्दन शर्माले आज अपराह्न ४ बजे बस्ने सङ्घीय संसद्को दुवै सदनको संयुक्त बैठकमा आर्थिक वर्ष २०७९/०८० को वार्षिक आयव्यय प्र...

जेठ १५, २०७९

पोखराबाट जोमसोमका लागि उडेको तारा एयरको विमान सम्पर्कविहीन भएको छ । ९:५५ मा १९ जना यात्रु र ३ जना चालक दलका सदस्य लिएर उडेको विमान १०:०७ देखि सम्पर्कविहीन भएको तारा एयरका प्रवक्ता सुदर्शन बर्तौलाले जानकार...

गणतन्त्रमा मदनको सम्झना र एमालेको समीक्षा– दासढुंगा टु सौराहा

गणतन्त्रमा मदनको सम्झना र एमालेको समीक्षा– दासढुंगा टु सौराहा

जेठ १५, २०७९

हामीले चौधौं गणतन्त्र दिवस मनाइरहँदा गणतन्त्रको उत्कट अभिलाषा राखेका तर गणतन्त्र देख्न नपाएका नेपाली वाम आन्दोलनका चर्चित नेता क. मदन भण्डारीबारे चर्चा गर्नु सान्दर्भिक हुनेछ । नेपालको वाम आन्दोलनलाई दिशानिर्देश...

गणतन्त्रमा राजैराजा !

गणतन्त्रमा राजैराजा !

जेठ १५, २०७९

दोस्रो जनआन्दोलन सम्पन्न भएपछिको सम्बोधनमा तत्कालीन प्रधानमन्त्री गिरिजाप्रसाद कोइरालाले भनेका थिए, ‘मेरो जीवन प्रजातन्त्रको लडाइँमै सकियो, नयाँ पुस्ताले फेरि प्रजातन्त्रको लागि आन्दोलन गर्न नपरोस् !’ ...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

ad
x