अभिनेता पल शाहले प्रहरीमा आइतवार आत्मसमर्पण गरेका छन् । 

नाबालिग गायिकालाई बलात्कार गरेको जाहेरी परेको ४ दिनपछि तनहुँ प्रहरीमा उनले आत्मसमर्पण गरेका हुन् । 

सामाजिक सञ्जाल फेसबुकमा स्टाटस लेख्दै शाहले नेपालको कानूनलाई सम्मान गर्दै आफैं प्रहरीसामु उपस्थित हुने जानकारी गराएका थिए । 

स्वास्थ्य स्थिति र आफ्नो फिल्म रिलिज भएका कारण केही दिन प्रहरीको सम्पर्कबाहिर रहेको जानकारी गराउँदै उनले अब आफैं प्रहरीसामु जाने उल्लेख गरेका थिए । 

अभिनेता शाहविरुद्ध गत बुधवार पक्राउ पूर्जी जारी गरिएको थियो । नाबालिग गायिकालाई विवाह गर्छु भनेर फकाएर यौन सम्बन्ध राखेको आरोपमा उनीविरुद्ध जाहेरी परेको हो ।