सहरी विकास मन्त्री रामकुमारी झँक्रीले संसदबाट एमसीसी पास भएसँगै पाँच वर्षमा निर्माणसम्पन्न गर्ने उद्देश्य राखेको यससम्बन्धी महत्वपूर्ण परियोजना समयमै बन्ने विश्वास लिएकी छन् । 
नेकपा एकीकृत समाजवादी पार्टीकी सचिव समेत रहेकी उनले आफू खोक्रो राष्ट्रवादको नसामा नरहेको भन्दै  एक देश भक्त नागरीक भएको बताएकी छन् । 

‘तमाम संका र अनुमानको जवाफ समय आएपछि दिउँला। पाँच वर्षमा निर्माणसम्पन्न गर्ने उद्देश्य राखेको यो महत्वपूर्ण परियोजना समयमै बन्नेछन भन्ने विश्वास छ मेरो। म खोक्रो राष्ट्रवादको नसामा छैन। तर म एक देश भक्त नागरीक हुँ।यो सबै प्रक्रियामा औपचारिक वा अनौपचारिक रूपमा सामेल छु।’, उनले भनेकी छन् । 

उनले आफ्ना प्रत्येक काम र प्रयासहरूको जवाफदेहिता आफैँसँगै रहने पनि बताएकी छन् । आइतबार प्रतिनिधिसभाबाट एमसीसी पारित भएको थियो ।