नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादी (एस) पार्टीका अध्यक्ष माधवकुमार नेपालले प्रधानमन्त्री शेरबहादुर देउवासँग भेटवार्ता गरेका छन् । 

बिहान प्रधानमन्त्री निवास बालुवाटारमा गठबन्धनका दलहरूको बैठक आयोजना गरेर छलफल गरेका नेताहरूले दिउँसो फेरि प्रधानमन्त्रीसँग छुट्टै संवाद गरेका हुन् ।
 
प्रधानमन्त्री देउवालाई भेट्न प्रचण्ड र माधव नेपाल बिहीवार दिउँसो ४ बजे बालुवाटार पुगेर छलफल गरेका थिए ।

उनीहरूले सरकारका काम र केही राजनीतिक नियुक्तिका विषयमा छलफल गरेको बालुवाटार स्रोतले बताएको छ ।
 
सरकारले निर्वाचन आचारसंहित लागू हुनुअघि नै कतिपय नयाँ नियुक्ति र हेरफेरको काम सक्ने तयारी गरेका बेला गठबन्धनका २ नेताले प्रधानमन्त्रीसँग परामर्श गरेका हुन् ।