कांग्रेस जिल्ला अधिवेशनको नतिजा- शेखर पक्षको अग्रता, कुन जिल्लामा को निर्वाचित ? 

नेपाली कांग्रेसको १४ औं महाधिवेशनअन्तर्गत जिल्ला अधिवेशन भइरहेका १६ जिल्लामध्ये ८ जिल्लाको नतिजा आउँदा डा. शेखर कोइराला पक्षले अग्रता लिएको छ । 

कोइराला पक्षका ४ जना जिल्ला सभापति विजयी भएका छन् भने कोइराला समूहले समर्थन गरेका अर्का एक स्वतन्त्र उम्मेदवार विजयी भएका छन् । 

कोइराला पक्षबाट चितवन, सिन्धुली, बाँके र नवलपुरका जिल्ला सभापति विजयी भएका हुन् । चितवनमा राजेश्वर खनाल विजयी भए भने सिन्धुलीमा उपेन्द्र पोख्रेल, बाँकेमा नारायण गौडेल र नवलपुरमा महेन्द्रध्वज जिसी विजयी भएका हुन् । 

पार्टी सभापति शेरबहादुर देउवा पक्षबाट कैलालीमा नारायणदत्त भट्ट, मकवानपुरमा बुद्ध लामा र पर्सामा जनार्दनसिंह क्षेत्री विजयी भएका छन् । शेखर कोइराला पक्षले समर्थन गरेको स्वतन्त्र उमेदवार नागेश्वर यादव महोत्तरी कांग्रेसको जिल्ला सभापति निर्वाचित भएका छन् । 

केही जिल्लामा मतदान भइरहेको छ ।