मानव अधिकार तथा शान्ति समाजले निलम्बित प्रधानन्यायाधीश चोलेन्द्रशमशेर जबराविरुद्ध संसदमा दर्ता भएको महाभियोग प्रस्ताव पारित गर्न माग गरेको छ ।

कपिलवस्तुको वाणगंगामा फागुन २७–२८ गते भएको २४ औं राष्ट्रिय परिषद् बैठकले महाभियोग पारित गरी पदच्युत गर्न र राणाविरुद्ध आवश्यक कारवाही गर्न माग गरेको हो । 

यस्तै बैठकले रुसलाई तत्काल सेना फिर्ता गरी युद्ध रोक्न र युक्रेनी जनता तथा युक्रेनमा रहेका सबै मानिसको जीवन रक्षाको लागि योगदान गर्न आह्वानसमेत गरेको छ । 

बैठकमा विभिन्न जिल्लाबाट २०० भन्दा बढी अधिकारकर्मीहरूको सहभागिता थियो । 

बैठकले गुणस्तरीय स्वास्थ्य सेवा र वैज्ञानिक शिक्षाः सबैको अधिकार भन्ने आह्वानसहित आठवटा प्रस्ताव पनि पारित गरेको छ ।