राप्रपा नेपाललाई निर्वाचन आयोगले ‘तीर’ चिह्न प्रदान गरेको छ ।  

राप्रपा नेपालले स्थानीय तहको निर्वाचन नजिकिएको बाध्यात्मक परिस्थितिलाई ध्यानमा राखेर हाललाई ‘तीर’ चिह्नलाई स्वीकारेको जनाएको छ । 

'आफ्नो पार्टीको पुरानै निर्वाचन चिन्ह ‘गाई’ प्राप्त गर्नका लागि हाम्रो पार्टीले निर्वाचन आयोगको निर्णय विरुद्ध कानूनी प्रक्रियामा जाने विकल्पलाई खुला राख्दै पार्टीले स्थानीय तहको निर्वाचन नजिकिएको बाध्यात्मक परिस्थितिलाई ध्यानमा राखेर हाललाई ‘तीर’ निर्वाचन चिह्नलाई स्वीकारेको छ,' विज्ञप्तिमा उल्लेख छ । 

राप्रपा नेपालका देशभरका संगठनहरूलाई अर्को व्यवस्था नहुञ्जेलसम्म ‘तीर’ चुनाव चिह्नलाई पार्टीका प्रचारप्रसार सामग्रीहरूमा प्रयोग गर्न तथा पार्टीको झण्डामा रहेको पहे‘लो रङको पृष्ठभूमिको मध्यभागमा रहने गरी कालो रङमा ‘तीर’ चिह्न प्रयोग गर्न सकिने राप्रपाले विज्ञप्तिमार्फत् जानकारी गराएको छ ।