विश्व बैंकले नेपाललाई दिने सहमति गरेको १५ करोड डलर (करीब १८ अर्ब ३० करोड रूपैयाँ) स्वीकृत गरेको छ । 

विश्व बैैंकको बिहीवार बसेको सञ्चालक समितिले नेपाललाई दिने सहयोग रकम स्वीकृत गरेको हो ।

विश्व बैंकले नेपाललाई सहुलियत ऋणमा दिएको यो रकमबाट अर्थतन्त्रको सुधार गर्नमा सहयोग पुग्ने गरी हरित क्षेत्र, स्थानीय पूर्वाधार तथा समावेशी विकासमा खर्च गर्न पाउने शर्त तोकिएको छ ।

विश्व बैंकले नेपाललाई दिएको यो रकम परिचालनबाट नेपालको अर्थतन्त्र चलायमान गराउन सकिने छ भने तरलता अभावलाई सहज गर्न केही हदसम्म भए पनि सहयोग पुग्ने अपेक्षा गरिएको छ ।