कीर्तिपुरस्थित त्रिवि क्रिकेट मैदानमा जारी दोस्रो एकदिवसीय अन्तर्राष्ट्रिय क्रिकेटमा पपुवा न्युगिनी (पीएनजी)लाई नेपालले २७९ रनको लक्ष्य दिएको छ । 

टस जितेर पहिले ब्याटिङ रोजेको नेपालले ८ विकेटको क्षतिमा २७८ रन बनाएको हो । 

नेपालका लागि दीपेन्द्रसिंह ऐरीले १४० बलमा १०५ रन बनाएका थिए । उनको यो पहिलो एकदिवसीय शतक हो । 

यसअघि शुक्रवार भएको पहिलो खेलमा पीएनजीले दिएको २९३ रनको विजयी लक्ष्य पछ्याएको नेपालले ६ रनको हार व्यहोरेको थियो ।