त्रिदेशीय टी-ट्वान्टी अन्तर्राष्ट्रिय सिरिजअन्तर्गतको पहिलो खेलमा सोमवार नेपालले पपुवा न्युगिनी (पीएनजी)लाई १५ रनले पराजित गरेको छ । 

कीर्तिपुरस्थित त्रिवि क्रिकेट मैदानमा नेपालले पहिलो खेलमा नै पीएनजीलाई पराजित गर्दै सुखद् शुरुआत गरेको हो । 

पीएनजीलाई नेपालले १८४ रनको लक्ष्य दिएको थियो । पीएनजी १९.२ ओभरमा अलआउट हुँदै १६८ रनमा समेटिएको थियो । 

अब नेपालले दोस्रो खेल मलेसियासँग प्रतिस्पर्धा गर्नेछ ।

सिरिजमा नेपाल, पीएनजी र मलेसियाको सहभागिता छ ।

यसअघि दुई खेलको एकदिवसीय सिरिजमा पीएनजीले नेपालविरुद्ध क्लिनस्वीप गरेको थियो ।