काठमाडौंमा आइतबार बिहान वर्षा भएको छ । हाल नेपालमा स्थानीय वायुको साथै पश्चिमी वायुको सामान्य प्रभाव रहेको र त्यसैको असरस्वरुप राजधानीसहित विभिन्न स्थानमा वर्षा भएको जल तथा मौसम पूर्वानुमान महाशाखाले जनाएको छ । 
महाशाखाले आइतबार दिउँसो प्रदेश नं १, मधेस प्रदेश ,  बागमती प्रदेश र गण्डकी प्रदेशका थोरै स्थानहरुमा मेघ गर्जनसहित हल्कादेखि मध्यम वर्षाको सम्भावना रहेको जनाएको छ ।  प्रदेश नं १, मधेस प्रदेश , बागमती प्रदेश र गण्डकी प्रदेशमा आंशिकदेखि सामान्य बदली रहनेछ । 
 
यस्तै राति प्रदेश नं १ र गण्डकी प्रदेशमा आंशिकदेखि सामान्य बदली रही मधेस प्रदेश  र बागमती प्रदेशमा आंशिक बदली रही अन्य भूभागमा मौसम सामान्यतया सफा रहने छ। यस्तै प्रदेश नं १ र गण्डकी प्रदेशका पहाडी भूभागका एक  दुई स्थानमा भने हल्का वर्षाको सम्भावना रहेको छ।