अर्थमन्त्री जनार्दन शर्माले देशको अर्थतन्त्रमा कुनै संकट नआएको बताएका छन् । 

सोमवार अर्थ मन्त्रालयमा आयोजित पत्रकार सम्मेलनमा उनले अर्थतन्त्रको विषयमा राजनीतिकरण गर्न खोजिएको र अनावश्यक हल्ला मात्रै फैलाइएको बताएका हुन् । 

उनले नेपालीको वैदेशिक ऋण साउथ एसियामै कम भएको दाबी गरे । ‘अहिले ११ खर्ब ७१ अर्बमा सञ्चिति छ । अझै ६।७ महिनाको आयात  धन्न पुग्छ भने ६३१ अर्ब रेमिटेन्स छ,’ उनले भने, ‘३३ अर्ब ३८ करोडको वैदेशिक लगानी आएको छ भने यो वर्ष नै ४२ अर्बको लगानी बोर्डबाट स्वीकृत भएको छ । अहिलेसम्म १८ खर्ब ५४ अर्ब मात्रै ऋण छ यो भनेको धेरै होइन ।’

अर्थतन्त्र सामान्य अवस्थामा नै रहेको उनको भनाइ छ ।