अमेरिकी संस्था यूएसएआईडीले दिने झण्डै ८० अर्ब अनुदान सहायता सरकारले स्वीकार गरेको छ । 

मन्त्रिपरिषद् बैठकको निर्णय सार्वजनिक गर्दै सञ्चार तथा सूचना प्रविधि मन्त्री ज्ञानेन्द्रबहादुर कार्कीले ७९ अर्ब ७१ करोड (६५९ मिलियन डलर) सहायता स्वीकार गर्ने निर्णय गरिएको जानकारी दिएका हुन् । 

यस्तै विश्व बैंकअन्तर्गतको अन्तर्राष्ट्रिय विकास संस्थामार्फत् प्राप्त हुने १५० मिलियन डलर अर्थात् १८ अर्ब सहुलियत ऋण सहायता पनि सरकारले स्वीकार गरेको छ ।