नेपाल राष्ट्र बैंकका निलम्बित गभर्नर महाप्रसाद अधिकारी आफूमाथि गरिएको कारबाही बदर गर्न माग गर्दै सर्वोच्च अदालत पुगेका छन् । 

सरकारले आफूलाई गरेको निलम्बनको निर्णयविरुद्ध उनी अदालत पुगेका हुन् ।  उनले गभर्नरको जिम्मेवारीमा फर्किन अन्तरिम आदेशको माग गरेका छन् । 

अदालतका प्रवक्ता विमल पौडेलले अधिकारीका तर्फबाट रिट आएको र दर्ता हुने प्रक्रियामा रहेको जानकारी दिए । 

चैत २४ गतेको मन्त्रिपरिषद् बैठकले अधिकारीमाथि छानबिन गर्ने निर्णय गर्दै समिति गठन गरेको थियो । त्यसको भोलिपल्ट अधिकारीलाई सरकारले निलम्बन गरेको पत्र पठाएको थियो ।