नेकपा (माओवादी केन्द्र) कोहलपुर नगरकमिटीले नरेन्द्र न्यौपानेको नाम मेयर उम्मेदवारका लागि सर्वसम्मत सिफारिस गरेको छ । मंगलवारको बैठकले न्यौपानेको नाम प्रदेश समितिमा पठाएको हो । 

सत्ता गठबन्धनबीच चुनावी तालमेलको छलफल चलिरहेका बेला माओवादीले भने आफ्नै नेतृत्वमा चुनावमा जाने निर्णय गरेको हो । 

कांग्रेस र माओवादीबीच मेयर कसले लिने भन्ने विषयमा कुरा नमिल्दा चुनावी तालमेल हुन नसकेको हो । कांग्रेसले मेयरलाई आफ्नो बटमलाइन बनाएकाले चुनावी तालमेलमा समस्या भएको माओवादी नेताहरू बताउँछन् । 

‘प्रदेश समितिमा नरेन्द्र न्यौपानेको नाम पठाएका छौं,’ नगर कमिटी अध्यक्ष अवराज खड्काले भने, ‘गठबन्धनबीच स्वस्थ प्रतिस्पर्धा गर्ने विषयमा सहमति गरेर केन्द्रमा पठाउनेबारे छलफल भइरहेको छ ।’