सर्वोच्च अदालतले मंगलवार अल्पकालीन अन्तरिम आदेश दिएसँगै नेपाल राष्ट्र बैंकका गभर्नर महाप्रसाद अधिकारी बुधवारबाट काममा फर्किएका छन् । 

अदालतले काम गर्नबाट नरोक्न भन्दै अल्पकालीन अन्तरिम आदेश दिएको थियो । 

काममा फर्किएका उनलाई कर्मचारीले स्वागत गरेका थिए । सरकारले संस्थामाथि हस्तक्षेप गरेकाले अदालत जान बाध्य भएको उनले बताए । 

सर्वोच्च अदालतले गभर्नर अधिकारी विरुद्धको निर्णय तत्काल कार्यान्वयन नगर्नु भन्दै वैशाख १३ गते दुवै पक्षलाई छलफलका लागि बोलाएको छ । त्यतिबेलासम्म निलम्बन नहुने भएपछि गभर्नर अधिकारी बुधवार नै काममा फर्किएका हुन् । ​

मन्त्रिपरिषद्ले गत २४ चैतमा निर्णय गर्दै गभर्नर अधिकारीमाथि छानबिन गर्ने भन्दै समिति बनाएको थियो । त्यसको भोलिपल्ट अधिकारीलाई निलम्बन गरिएको पत्र पठाइएको थियो ।