मेयर उम्मेदवार बन्न मधेश प्रदेशका नेपाली कांग्रेस प्रमुख सचेतक उपेन्द्रप्रसाद कुशवाहाले प्रदेश सांसद पदबाट राजीनामा दिने तयारी गरेका छन् ।

सर्लाहीको प्रदेश निर्वाचन क्षेत्र ४ (२)बाट निर्वाचित भएका सांसद कुशवाहा सर्लाहीको गोडैता नगरपालिकाको प्रमुखमा लड्न राजीनामा दिन लागेका हुन् । 

'अहिले राजीनामा टाइप गर्दैछु, इमेलमार्फत् प्रदेश सभा सचिवालयमा पठाउने छु,' कुशवाहाले लोकान्तरसँग भने, 'आज ४ बजे भन्दा पहिले नै राजीनामा प्रदेश सभा सचिवालयलाई इमेल गरिसक्नेछु ।'