कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
बैशाख १९, २०७९
कञ्चनपुरको सदरमुकाममा भीमदत्त नगरपालिकामा अघिल्लोपटक एमाले उम्मेदवार सुरेन्द्र विष्टसँग जम्मा १६६ मतले पराजित भएका पदम बोगटी नेपाली कांग्रेसबाट दोहोर्याएर प्रतिस्पर्धामा छन् ।
नेकपा एमालेले भने यसपटक युवा राजनीतिज्ञ महेश पन्तलाई मेयरको उम्मेदवार बनाएको छ ।
२०७४ सालको स्थानीय तह निर्वाचनमा कांग्रेसले मेयर हारे पनि उपमेयरसहित ७ वटा वडामा जितेको थियो ।
विगतमा भएको कमजोरी सच्चाउँदै यसपटक मेयरसहित सबै वडामा जीत हात पार्ने लक्ष्यसहित कांग्रेस चुनावी प्रतिस्पर्धामा उत्रिएको छ ।
एमालेको रणनीति भने विगतको नतिजा कायम राख्दै थप सफलता हासिल गर्ने छ । विगत ५ वर्षमा गरेका कामको जनताले राम्रो मूल्यांकन गरेकाले यसपटक पुनः जीत हात पार्ने दाबी एमाले नेताहरूले गर्दै आएका छन् ।
नेकपा एकीकृत समाजवादी र नेकपा माओवादी केन्द्र भने गठबन्धन गरेर चुनावी प्रतिस्पर्धामा छन् । मेयर समाजवादीले लिएको छ भने उपमेयर माओवादीको भागमा परेको छ ।
यसपालि राप्रपा पनि ठूला दललाई टक्कर दिने रणनीतिसहित मैदानमा छ । विकल्प खोजिरहेका मतदाताहरूले आफूलाई रोज्ने राप्रपा नेताहरू बताउँछन् ।
केही स्वतन्त्र उम्मेदवारले पनि जोडतोडले प्रचार–प्रसार गरिरहेका छन् । भीमदत्तनगरका स्थानीय व्यवसायी कोमलबहादुर सिंहले नगर प्रमुखमा उम्मेदवारी दिएका छन् ।
होटल व्यवसाय सञ्चालन गर्दै आएका सिभिल इन्जिनीयर सिंह विकास निर्माणको काम गर्न आफूले उम्मेदवारी दिएको बताउँछन् ।
हिजो आफ्नै पार्टीमा धोका पाएर हारें, यसपालि जित्छुः बोगटी, कांग्रेस
भीमदत्तनगर कांग्रेसको पुरानो प्रभाव क्षेत्र हो ।
२००७ सालको क्रान्तिदेखि २०६२/६३ को जनआन्दोलनसम्म कांग्रेसले नेतृत्व गरेकाले भीमदत्तनगरमा कांग्रेसको राम्रो प्रभाव रहेको मेयरका उम्मेदवार पदम बोगटी बताउँछन् ।
‘जब देशमा संकट आउँछ, जब विकास निर्माण गर्नुपर्छ, तब जनताले सम्झने पार्टी हो कांग्रेस,’ बोगटीले भने, ‘सबै दललाई मिलाएर लान सक्ने खुबी कांग्रेसमा छ ।’
व्यवस्थित विकास आफ्नो मुख्य एजेन्डा रहेको उनले बताए ।
‘भौतिकरूपमा सडक बनाउनु मात्रै अबको प्राथमिकता हैन । अहिलेको नेतृत्वले सडक खनेर र पानीपिच गरेर छाडेका छन् । हामीले व्यवस्थित ढंगले विकास गर्छौं,’ बोगटीले भने, ‘सीमान्तकृत समाजलाई अगाडि सार्ने काम नेपाली कांग्रेसले गर्छ । ८० वर्ष उमेरमाथिका वृद्धवृद्धालाई निःशुल्क स्वास्थ्य परीक्षण गर्ने र आवश्यकताअनुसार अस्पतालमा उपचारको सुविधा दिने काम हामी गर्छौं ।’
युवा जनशक्तिको पलायन रोक्न आफूले काम गर्ने उनले बताए ।
‘युवा जनशक्ति बेरोजगारीका कारण भारत पलायन हुने गरेका छन् । ती युवालाई स्वादेशमै रोजगारी दिने, युवा स्वारोजगार कोष खडा गर्ने र युवा स्वरोजराका लागि काम गर्ने पनि कांग्रेसको अठोट छ,’ बोगटीले लोकान्तरसँग भने ।
गत चुनावमा आफ्नै पार्टीका वडा कमिटी सदस्यले मत काटेका कारण आफूले चुनाव हारे पनि यो पटक भने सबै वडाबाट मिलार ल्याएको दाबी बोगटीले गरे ।
टोल—टोलमा प्रचारको जिम्मा कमिटीलाई नै दिएकाले खर्च गरेर प्रचार गरिराख्नुपर्ने अवस्था नरहेको उनको भनाइ छ ।
अनावश्यक खर्च नगरी चुनाव प्रचार गरेको बताए पनि उनको टोलमा आयोजित सभामा भने सहभागीका लागि मासुचिउराको व्यवस्था थियो ।
संगठन र युवा मतदाताको भरमा पन्त
मेयर पदका एमाले उम्मेदवार महेश पन्त स्पष्ट भिजन र सुशासनका एजेन्डा अगाडि सारेकाले आफूले जित्ने दाबी गर्छन् । पछिल्लो ५ वर्षको अवधिमा गरेको काम पनि आफूहरूले चुनाव जित्ने आधार भएको उनको दाबी छ ।
‘विगतमा गरेका कामका कारण पनि हामी जित्नेछौं । केही दल गठबन्धन गरेर प्रतिस्पर्धामा आएका छन् भन्ने सुनेको छु, तर जनताले गठबन्धन चिन्दैनन्, एमालेको सूर्य चिह्न मात्रै चिन्ने वातावरण हामीले बनाएका छौं,’ पन्तले भने ।
उनले आफ्नो व्यक्तित्व र पारिवारिक पृष्ठभूमिका कारण पनि जीत सहज रहेको दाबी गरे ।
‘कुनै राजनीतिक नियुक्ति नलिएको, लाभको पद धारणा नगरेको र युवा भएकाले काम गर्न सक्ने जोश जाँगरलाई जनताले मूल्यांकन गरेर मलाई भोट दिन्छन् भन्ने विश्वास लिएको छु । अहिलेसम्म गरेको योगदान र मेरो परिवारको स्वाभिमानका कारण पनि म जित्छु,’ पन्तले भने ।
आफू भीमदत्तनगरमा जन्मिएको तथा युवाहरू स्वदेशमै काममा रमाउनुपर्छ, युवालाई सीप दिनुपर्छ भनेर लागेकाले युवा मत आफूतर्फ नै केन्द्रित हुने उनको विश्वास छ ।
एमालेको संगठन बलियो भएकाले आफू अनावश्यक पैसा खर्च नगरी संगठनकै बलमा अगाडि बढेको उनले बताए ।
‘पैसाले मात्रै जित्ने हो भने विदेशमा काम गरेर आउने तथा स्वदेशमै पनि पैसा कमाएको व्यक्तिलाई टिकट दिए हुन्छ । पैसाले चुनाव जित्ने हो भने कार्यकर्ता किन चाहियो ? कार्यकर्ता भर्ती किन गर्नुपर्ने थियो ? पैसाले चुनाव जितिन्न, कार्यकर्ता चाहिन्छ । म तिनै कार्यकर्ता र संगठनको बलमा चुनावी मैदानमा छु,’ पन्तले भने ।
हामी विकल्प बन्दैछौं : चन्द, राप्रपा
अहिलेसम्म जनताले ठूला पार्टीलाई बढी विश्वास गरेर भोट दिइरहे पनि जनअपेक्षा पूरा नभएकाले यसपालि आफूहरूलाई रोज्ने विश्वास राप्रपाबाट मेयरको उम्मेदवार बनेका गजेन्द्रबहादुर चन्दको छ ।
‘३० वर्षसम्म अवसर दिँदा पनि काम नगर्ने र जनताको विश्वास नजित्ने पार्टीको विकल्पमा हामी छौं । हामी राम्रो गर्छौं भनेर अगाडि आएको हो,’ चन्दले लोकान्तरसँग भने ।
गौशाला सञ्चालन गर्ने, विपन्न वर्गलाई भारतमा जस्तै रासन कार्ड दिने, १२ कक्षासम्म निःशुल्क शिक्षा दिने, आमजनताको अपेक्षा अनुसारको विकास गर्ने उनको चुनावी घोषणा छ ।
‘अहिलेसम्म अरूलाई रोज्दा उत्पन्न वितृष्णा मेटाउन पनि जनताले राप्रपालाई भोट दिएर जिताउँछन् भन्ने विश्वास छ,’ चन्दले भने ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...