काभ्रेपलाञ्चोक, २ साउन– काभ्रेको पाँचखाल नगरपालिकी गीता दनुवार (नाम परिवर्तन) का श्रीमान गत स्थानीय तहको चुनावमा म्यादी प्रहरीको जागिरे भएका थिए ।

उनका श्रीमान जागिरको लागि जिल्ला प्रहरी कार्यलय धुलिखेल गए । गीताको एक छोरा श्रीमान र उनी गरी तीन जनाको सानो परिवार निकै सुखमयले वित्दै थियो ।

श्रीमान जागिरमा गएको मौकामा गीताले गाउँ नजिकै एक परपुरुससंग सम्वन्ध बनाइन् । आफू म्यादी पुलिसमा गएको केहि दिनमै परपुरुषको प्रेममा श्रीमति परेको र अनैतिक सम्वन्ध समेत रहेको थाहा पाएपछि श्रीमान छाङ्गावाट खसेजस्तै भए ।

गत आइतवार जिल्ला प्रहरी कार्यलय काभ्रेको महिला सेलमा दिउसो निकै भिडभाड थियो ।

‘मैले सोच्नै नसक्ने घटना घट्यो’ उनका श्रीमान हरि दनुवार (नाम परिवर्तन) ले भने । ‘म्यादी जागिरले मेरो जीवनमा ग्रहण लाग्यो ।’ श्रीमतिकै सल्लाहमा म्यादिको जागिर खाएका दनुवार अहिले गह्रभरि आँसु पार्दै जिल्ला प्रहरी कार्यलय आएका छन् ।

‘भूकम्पले धर भत्कायो म्यादिको जागिरले मन भत्कायो अव कसरि सम्हालिने’ उनले गहभरी आँसु बनाए । असारमा घर छाउने पैसा कमाई हुन्छ, यत्तिकै बसेर समय खेर फाल्नु भन्दा केहि कमाई हुन्छ जानुहोस छोराको स्कुल फी तिर्ने पैसा हुन्छ भनेर श्रीमतिले म्यादीमा जागिर खान हौसाएकी थिइन ।

‘यो अबस्था देख्दा सपना जस्तै लागेको छ’ उनले बताए । आफू जागिरमा गएपछि गीता केहि फरक देखिन थालेकि उनका श्रीमानले बताए ।

सानो सुखी परिवारमा आफैले आगो लगाएपछि अहिले उनलाई श्रीमानले स्वीकार्न नसक्ने अवस्था आएको हो । श्रीमतीले श्रीमान बिरुद्ध सम्बन्ध विछेद्को मुदा हालि छुटिने तर्खर गरेकी छिन् । तर, माइतिले समेत असहयोग गरे पछि उनी अहिले तनावमा परेकी छिन् ।

यसरी आफ्नै कारणले परिवार नै सखाप पार्ने धटना कमै आउने जिल्ला प्रहरी कार्यलय अन्तर्गत महिला सेलमा कम नै आउने गरेको महिला सेलकी प्रमुख सिता श्रेष्ठले जानकारी दिइन् । ‘परिवारमा राम्रो गर्नका लागि र श्रीमतीको सल्लाहमा काममा गयो उनीहरु नै पुरुषलाई पनि अफ्टेरो पार्ने घटना बोकेर आउँदा दुख लाग्छ’ उनले भनिन् ।

---

---