हुम्लाको साविक लिमी गाविसका तत्कालीन गाविस सचिव धर्मराज रोकायाले २ लाख १९ हजार रुपैयाँ भ्रष्टचार गरेको भन्दै अख्तियार दुरुपयोग अनुसन्धान आयोगले आज मुद्दा दर्ता गरेको छ।

सामजिक सुरक्षा भत्ता वितरण गर्दा उक्त रकम हिनामिना गरेको भन्दै अख्तियारले विशेष अदालतमा मुद्दा दर्ता गरेको हो।

आर्थिक वर्ष २०७०/०७१ देखि २०७२/०७३ सम्म दोहोरो सामाजिक सुरक्षा भत्ता रकम वितरण गर्दा एउटै व्यक्तिलाई उस्तै नागरिकता प्रमाणपत्र नम्बर राखी दोहोरो सामाजिक सुरक्षा भत्ताको २ लाख १९ हजार रुपैयाँ दिएको अनुसन्धानबाट खुलेको अख्तियारले जनाएको छ ।