पेट्रोलियम पदार्थमा लाग्दै आएको १० रुपैयाँ पूर्वाधार कर हटाउन अर्थ मन्त्रालयले उद्योग, वाणिज्य तथा आपूर्ति मन्त्रालयलाई पत्राचार गरेको छ । 

अर्थले मंगलवार उद्योग मन्त्रालयलाई एक पत्र लेख्दै  पेट्रोलियम पदार्थमा लाग्दै आएको १० रुपैयाँ पूर्वाधार कर हटाउन भनेको हो । 

पेट्रोलियम पदार्थको मूल्यमा भएको उच्च वृद्धिका कारण उपभोक्ता मारमा परेपछि मन्त्रालयले पूर्वाधार हटाउन उद्योग मन्त्रालयलाई पत्राचार गरेको अर्थ स्रोतले लोकान्तरसँग दाबी गर्‍यो । 

अहिले बजारमा पेट्रोलको मूल्य १ सय ८० रुपैयाँ प्रतिलिटर रहेको छ ।

पेट्रोल, डिजेल र मट्टितेलमा लिइँदै आएको १० रुपैयाँ पूर्वाधार कर घटाइएपछि उपभोक्तालाई केही राहत हुनेछ ।  यस्ताे कर घटाउँदा सरकारलाई आउने राजस्वमा भने मासिक २ अर्ब रुपैयाँले घाटा हुने अर्थ मन्त्रालयको भनाइ छ ।