पत्रकारिता पेशा छाडेर सक्रिय राजनीति शुरू गरेका रवि लामिछानेको पार्टी घोषणा कार्यक्रममा ठूलो भीड देखिएको छ । 

मंगलबार घोषणा सभास्थल काठमाडौंको राष्ट्रिय सभा गृह बाहिरैसम्म भीड देखिएको थियो । रविले राष्ट्रिय स्वतन्त्र पार्टीको घोषणा गरेका छन् ।

उनले प्रस्ताव गरेको राष्ट्रिय स्वतन्त्र पार्टीमा सात विशेष घोषणा गरेका छन् । 

पार्टीले निर्वाचनमा उम्मेदवार बन्न चाहने व्यक्ति पहिलो पार्टी भित्रबाट निर्वाचित हुनुपर्ने व्यवस्था गर्ने उनले बताएका छन् । त्यसका लागि पार्टीमा ‘प्राइमरी’ आयोजना गर्ने उनले बताए । 

त्यसैगरी, पार्टीले प्रत्यक्ष निर्वाचित प्रधानमन्त्री र मुख्यमन्त्रीको अवधारणा राख्ने, राइट टू रिकल, राइट टू रिजेक्टको व्यवस्था हुने लामिछानेले बताए । 

डिजिटल डमोक्रेशीको अभ्यास गर्ने, परिवारवादलाई पूर्णरुपमा निषेध गर्ने, भातृ संगठन र कार्यकर्तारहित पार्टी हुने र उद्योगी व्यापारीबाट कहिल्यै चन्दा नलिने लामिछानेले उद्घोष गरेका छन् ।