ऊर्जा, जलस्रोत तथा सिँचाइ मन्त्री पम्फा भुसालले नेपालका लागि भारतीय राजदूतसँगको भेटवार्ताबारे परराष्ट्र मन्त्रालयलाई जानकारी गराएकी छन् ।

बुधवार हुने भेटका लागि ऊर्जा मन्त्रालयले परराष्ट्रलाई पत्र लेखेको छ । 

नवनियुक्त राजदूत नवीन श्रीवास्तवले प्रधानमन्त्री शेरबहादुर देउवा, परराष्ट्रमन्त्री नारायण खड्कालगायतलाइ भेट गरिसकेका छन् । 

नेपालका नेता र मन्त्रीहरूले विदेशी राजदूत भेट्दा परराष्ट्रलाई जानकारी नै दिने गरेका थिएनन् । 

विदेशी राजदूतलाई भेट्दा परराष्ट्रलाई समेत जानकारी गराएर मन्त्री भुसालले कूटनीतिक आचरण देखाएकी छन् । विदेशी भेट्दा परराष्ट्रलाई जानकारी गराउनु पर्ने भन्दै संसदमा धेरै पटक आवाज उठ्ने गरेको थियो ।