तपाईं आफ्नो आफन्तकोमा बच्चालाई पठाउने मन छ, तर तपाईं चाहिँ व्यस्त समयले जान भ्याउनुभएको छैन ? 

सम्झनुस् त, यो समयमा के गर्ने ? न बच्चालाई एक्लै पठाउनु न त आफू पनि बिदामा बसेर बच्चालाई आफैं लैजाने ? 

साह्रै कठिन परिस्थिति हो यो । कठिन परिस्थितिलाई सहज बनाउनका लागि बुद्ध एयरले सजिलो सहजीकरण गर्दै आएको छ । 

तपाईंहरूको व्यस्त समयलाई मध्यनजर गर्दै बुद्ध एयरले बालबालिकाका लागि विशेष सेवा दिइरहेको छ । बुद्ध एयरले ५ वर्षदेखि माथिका र १३ वर्षदेखि मुनिका बालबालिकाहरूलाई आफ्नो जहाजमा एक्लै यात्राको सुविधा दिँदै आएको छ । 

कसरी लिने यस्तो सुविधा ? 

५ वर्षदेखि १३ वर्ष मुनिसम्मका बालबालिकालाई ‘अनअकम्पनिड’ क्याटागोरीमा राखेर विशेष सेवा दिँदै आइरहेको छ । यो उमेर समूहका बालबालिकाहरूका लागि सामान्यतया यात्रा गराउन एक सारथी अनिवार्य हुनुपर्छ । 

तर अभिभावकको व्यस्तता र अवस्थालाई मध्यनजर गर्दै बुद्ध एयरले विशेष सेवा दिँदै आएको छ ।

जहाजबाट त बालबालिकाहरू यात्रा गर्न सक्छन् तर एक्लै यात्रा गर्दा उनीहरूको गन्तव्यसम्म कसले पुर्‍याइदिने ? वा कहिलेकाहीँ परिस्थितिबस विमानको आकस्मिक अवतरण गरेर कतै बास बस्नुपर्ने अवस्था हुन सक्छ । त्यस्तो अवस्थामा त्यो बच्चालाई कोसँग राख्ने ? उसको केयर कसले गर्ने ? यसबारे समस्या हुन सक्छ । 

यस्तो बेला बालबालिका यात्रुलाई वायुसेवा कम्पनीकै उडान दलको विशेष निगरानीमा राखिन्छ ।

अनलाइनबाटै यस्तो किसिमको टिकट काट्न सकिने हुँदा यसले अभिभावकलाई झनै सहज हुने विश्वासका साथ कम्पनीले यस्तो सुविधा सञ्चालन गरेको हो । 

अनअकम्पनिड क्याटगोरीमा राखेर बुद्ध एयरले यस्तो सेवा दिँदै आएको छ ।

यो क्याटागोरीमा विभिन्न शर्तहरू अभिभावकले पहिल्यै पढ्नुपर्ने हुन्छ । शर्तबमोजिम फर्म भर्नुपर्ने हुन्छ र प्रक्रिया पूरा गर्नुपर्ने हुन्छ । 

सर्वप्रथम अभिभावकहरूले आफ्नो बच्चालाई अर्को ठाउँमा पठाउनका लागि अनलाइनबाटै टिकेट काट्न सक्छन् ।

बुद्ध एयरको आफ्नै मोबाइल एपबाट सहजै टिकट काट्न सकिन्छ । यसबाहेक अन्य भुक्तानी सेवा प्रदायकहरूको माध्यमबाट पनि सहजै टिकट काट्न सकिन्छ । त्यहाँ एउटा फारमको पनि व्यवस्था गरिएको हुन्छ ।  

त्यो फारममार्फत विमानस्थलमा यस्ता किसिमका बालबालिकालाई कसले पुर्‍याउने र लिनका लागि को आउने भन्ने खुलाउनुपर्ने हुन्छ ।  

जसका लागि फर्म भर्नुपूर्व नै अभिभावकले बच्चा पठाउन लागिएको ठाउँको परिवारको एक जना सदस्यलाई विमानस्थलसम्म लिन आउनका लागि भन्नुपर्छ । सोही व्यक्तिले लिन आउने सुनिश्चित भएपछि मात्रै सो फर्म भर्ने र टिकट पनि काट्ने गर्नुपर्छ । 

सो फर्ममा बच्चाको अभिभावक, विमानस्थलसम्म पुर्‍याउन जाने व्यक्ति र अर्को विमानस्थलमा लिन आउने अभिभावकको परिचय, नाता–सम्बन्ध, सम्पर्क नम्बर जस्ता विवरण खुलाउनुपर्ने हुन्छ ।

यति खुल्ने फर्म भरेर बुझाएपछि मात्रै कम्पनीले सो फर्म स्विकार गर्छ । 

यति भएपछि अब बालबालिकालाई जहाजमा एक्लै यात्रा गराउन सकिन्छ । 

त्यसपछि टिकटमा तोकिएको समयअगाडि नै बच्चालाई विमानस्थलसम्म पुर्‍याउनका लागि अभिभावकले समय दिनुपर्छ । तोकिएको समयमै विमानस्थलमा बच्चा पुगिसकेपछि अब कम्पनीले बच्चाको जिम्मा लिन्छ र आफ्नो उडान प्रक्रिया शुरू गर्छ । 

यस्तो छ जहाजको प्रक्रिया

•     बच्चालाई जहाजमा राख्नुपूर्व अघिको फर्मलाई कम्पनीले ३ वटा प्रिन्ट गर्छ र अभिभावकको हस्ताक्षरसमेत गराउँछ । 
•     यसपछि एयर होस्टेस (विमान परिचारिका)को समेत हस्ताक्षर राखेर कम्पनीले एक प्रति आफू राख्छ । 
•     बाँकी २ प्रति फर्म कम्पनीले एयर होस्टेसको जिम्मामा छाड्छ । 
•     जहाजमा ती बच्चालाई एयर होस्टेसले विशेष र छुट्टै किसिमको हेरचाह र निगरानी गर्छन् । 
•     साथै जहाजमा आफ्नै कर्मचारीसँग सो बच्चा राखिन्छ । 
•     अब केही समयपछि जहाज गन्तव्यमा पुग्छ । 
•     त्यहाँ एक प्रति फर्म कम्पनीले राख्छ र अर्को फर्म बच्चा लिन आउने आफन्त वा अभिभावकलाई दिइन्छ । 
•     बच्चा लिन आउने व्यक्ति फर्ममा भएअनुसार नै हुनुपर्छ । 
•     जहाज गन्तव्यमा अवतरणपश्चात् विमान परिचारिकाले स्थानीय कर्मचारीको जिम्मा लगाउँछन् । जिम्मा लगाउँदा त्यस फर्ममा कर्मचारीको हस्ताक्षर लिएर दुई प्रतिमध्ये एक प्रति आफैसँग राख्छन् । 
•     कर्मचारीले फर्म अनुसार भेरिफिकेशन गरि मात्र अभिभावकको जिम्मा लगाउँछन् ।
•     त्यसपछि यो प्रक्रिया सकिन्छ । 
•     बच्चा दिने बेला पनि अघि फर्ममा भरे अनुसारको डिटेल्स, जो फर्ममा भरिएको छ उही आउनुपर्छ नत्र दिइँदैन ।
•     यसरी यो प्रक्रिया अनुसार बुद्ध एयरले बच्चालाई त्यसरी गन्तव्यमा पुर्‍याउने काम गर्दै आएको छ ।
•     चेतनास्तर कमजोर हुँदै गएका तथा वृद्धवृद्धाको हकमा पनि बुद्ध एयरले सोही प्रक्रियामार्फत सुविधा दिँदै आएको छ ।