रामजी खाँण, किरण बाबु पुन र टीका पुनले लामो समयपछि क्षितिज पारी २ 'नजरबन्दमा' गीत बजारमा ल्याएका छन् । 

त्रिवेणी टिमको उपमा पाएका उनीहरूले नयाँ गीत 'नजरबन्दमा' मा एक दशकपछि सहकार्य गरेका हुन् । 

गीतमा शब्द तथा संगीत किरण बाबु पुनको रहेको छ । जसमा रामजी खाँण र टीका पुनले स्वर दिएका छन् ।

गीतको भिडियोमा गायक खाँण र सारिका केसीले फिचरिङ गरेका छन् । 

यो टिमले ९ वर्षअघि क्षितिज पारी उनको बस्तीमा बोलको लोक गीत सार्वजनिक गरेको थियो । 

जुन गीत निकै लामो समयसम्म पनि चर्चामा रहेको थियो ।