पोखरा महानगरपालिकाका पूर्वमेयर मानबहादुर जिसीले गरेको विवादास्पद सम्झौता खारेज भएको छ । पर्यटकीय बसपार्क, गल्फ कोर्स रहेको जग्गा र यातायात कार्यालय पछाडिको जग्गा भाडामा लगाउने विवादास्पद सम्झौता पोखरा उपत्यका नगर विकास समितिको १६९ औं बैठकले खारेज गरेको हो । 

 महानगरपालिकाका अनुसार छानविन समितिले बुझाएको प्रतिवेदनलाई आधार मान्दै समितिले थप अनुसन्धान गरेर कारबाहीका लागि अख्तियार र नेपाल प्रहरीलाई सिफारिस गर्ने निर्णय पनि भएको छ । 

 उपत्यका नगर विकास समितिका अध्यक्ष एवं महानगरका प्रमुख धनराज आचार्यसहित समितिका सदस्य  र छानविन समितिले बुझाएको प्रतिवेदन शुक्रबार नै पत्रकार सम्मेलन गरी सार्वजनिक गरिएको छ ।