नेपाल प्रहरीका अतिरिक्त महानिरीक्षक (एआईजी) एआइजी विश्वराज पोखरेलले राजीनामा दिएका छन् । आइजिपी नियुक्तिको विषयलाई लिएर असन्तुष्ट रहेको पोखरेलले सोमवार राजीनामा दिएका हुन् । उनी नेपाल प्रहरीको मानव स्रोत विभागमा आफै उपस्थित भएर राजीनामा पत्र बुझाएका थिए । 

आफूभन्दा वरियतामा तल रहेका एआइजी धिरजप्रताप सिंहलाई आईजीपी नियुक्त गरिएको भन्दै उनी त्यसविरुद्ध रिट लिएर सर्वोच्च अदालत पुगेका थिए । सर्वोच्च अदालतले उनको रिट खारेज गरिदिएपछि राजीनामा दिएका हुन् । 

सरकारले आईजीपी नियुक्त गरेलगत्तै उनी विदामा बसेको थिए । आइतवार विदाको अवधि सकिएपछि सोमवार उनले राजीनामा दिएका हुन् । गत शुक्रवार सर्वोच्च अदालतले आफ्नो पक्षमा फैसला नदिएपछि पोखरेलले राजीनामा दिएका हुन् । सर्वोच्चको फैसला आउँदा उनी विदामा थिए ।

निरन्तर ४५ दिनसम्म कार्यालयमा नगए कारबाही पनि हुने भएकाले पोखरेलले राजीनामा दिएका हुन् । उनको कार्यकाल यही साउन २० गतेसम्म मात्र छ ।

उनले दिएको राजीनामा प्रहरी महानिरीक्षकमार्फत गृह मन्त्रालयमा र गृह मन्त्रालयबाट मन्त्रिपरिषदमा पेश हुनेछ । एआईजीको राजीनामा मन्त्रिपरिषदले स्वीकृत गर्नुपर्ने व्यवस्था छ ।