पूर्वप्रधानमन्त्री एवम् नेपाल समाजवादी पार्टी (नेसपा)का अध्यक्ष डा. बाबुराम भट्टराईले वर्षा याममा काठमाडौंमा हप्तौंदेखि फोहोर व्यवस्थापन नहुनु अत्यन्त गम्भीर विषय भएको टिप्पणी गरेका छन् । 

शनिवार राति सामाजिक सञ्जाल ट्वीटरमा एक भिडियो शेयर गर्दै डा. भट्टराईले यस्तो टिप्पणी गरेका हुन् । 

उनले राज्यका तीन वटै तहले सार्वजनिक स्वास्थ्य र मुलुकको छविमाथि अपराधिक खेलवाड गरिरहेको समेत बताएका छन् । 

उनले भनेका छन्,‘तीनै तहले एकअर्काप्रति दोषरोपण गरेर पन्छिने होइन, सहकार्य गरेर फोहोरको समस्या तुरुन्त समाधान गर ।’

बर्षा/गर्मी याममा राजधानीमा हप्तौंदेखि फोहरव्यवस्थापन नहुनु अत्यन्त गम्भीर विषय हो!राज्यका तीनवटै तहले सार्वजनिक स्वास्थ्य र मुलुकको छवीमाथि यस्तो अपराधिक खेलवाड गर्न मिल्दैन।तीनै तहले एकअर्काप्रति दोषारोपण गरेर पन्छिने हैन सहकार्य गरेर तुरून्त समाधान गर।pic.twitter.com/HusLtJ8MBb

— Baburam Bhattarai (@brb1954) August 13, 2022