×

X
Nic Asia
Marvel
Khukuri

सरसर्ती २४ घण्टा

प्रचण्ड–बाबुराम–वामदेव सहकार्य, भविष्यमा पार्टी एकताको लक्ष्य

काठमाडाैं | भदौ १, २०७९

NTC
Argakhanchi Cement
Premier Steels
British college
TVS INSIDE

‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेका २४ घण्टाको मुख्य मुख्य घटनाक्रमसहित नियमित प्रस्तुती लिएर उपस्थित भएका छौँ–
आगामी संघीय निर्वाचनमा नेकपा माओवादी केन्द्र, नेपाल समाजवादी पार्टी र नेकपा एकता राष्ट्रिय अभियानबीच सहकार्य हुने भएको छ।  भविष्यमा माधव कुमार नेपाल नेतृत्वको नेकपा एकीकृत समाजवादीसहितका कम्युनिस्ट घटकहरुसँग पार्टी एकीकरण गर्ने लक्ष्यका साथ तत्कालका लागि माओवादी अध्यक्ष प्रचण्डसँग नेसपाका बाबुराम भट्टराई र नेकपा एकता राष्ट्रिय अभियानका वामदेव गौतमले माओवादीको चिह्नबाट पार्टीले चुनाव लड्ने सहमति गरेका हुन् । 

DHARA
LAxmi BAnk

जसअनुसार माओवादी केन्द्रले भट्टराई र गौतमलाई चुनाव चिह्न प्रयोग गर्न दिने स्थायी कमिटीबाट निर्णय गरिसकेको छ भने सोही अनुसार माओवादी र नेसपाले संयुक्त रुपमा निर्वाचन आयोगमा पार्टी दर्ता गराइसकेको छ । 
२०७२ साल असोज ९ गते माओवादी पार्टी छाडेका बाबुराम अन्ततः सोही पार्टीसँग नजिकिएका छन् । बाबुरामसँग सहमतिपछि प्रचण्डले आफूहरु फेरि एक ठाउँमा उभिएको बताएका छन् । अब एक ठाउँमा उभिन आफूहरुलाई कसैले रोक्न नसक्ने पनि प्रचण्डले बताए । 


Advertisment
NMB BANK
RMC TANSEN
NIC ISLAND BOX

‘बाबुरामजी र प्रचण्डसँगै उभिने कुरा धेरै ठूलो अर्थ छ । हामी उभियौँ अब । अब कसैले रोकेर रोकिँदैन’, प्रचण्डले भने, ‘त्यो ठूलो कुरा हो भनेर म भन्न चाहान्छु ।’ यद्यपि आजनै पार्टी एकता भने नभएको उल्लेख गर्दै प्रचण्डले चुनाव पछाडि एउटै केन्द्र बनाउने भन्ने समझदारी भएको बताए ।

‘अहिले चुनाव चिह्न, घोषणापत्र, उम्मेदवार साझा हुने भएपछि हामी एक ठाउँमा उभियौँ’, प्रचण्डले भने, ‘यसले नेपालको राजनीति र परिवर्तनलाई संस्थागत गर्ने कुरामा, देशलाई आर्थिक समृद्धिको दिशामा लैजाने कुरामा पनि निकै ठूलो महत्व छ ।’


Advertisment
Bizbazar
Saurya island

उनले चुनावपछि माधव नेपाल नेतृत्वको नेकपा एकीकृत समाजवादीलगायतलाई समेटेर कम्युनिस्ट पार्टी बनाइने बताए । ‘एकता चुनावअघि सम्भव छैन । तर चुनावपछि चाहिँ नेकपा वा त्यसको पछाडि समाजवादी वा अरु केही हुनसक्छ’, प्रचण्डले भने । 
००००
यसैगरी भट्टराईले नेपालमा अग्रगामी परिवर्तनको एजेण्डा बाँकी रहेको र त्यसलाई पूरा गर्नका निम्ति एक्ला एक्लै चुनावमा प्रतिष्पर्धा गर्ने स्थिति नरहेकाले माओवादीसँग सहकार्य गर्नुपरेको बताएका छन् ।
उनले मिलेर र नयाँ आधारमा एकतावद्ध भएर जानु नै अहिलेको आवश्यकता भएको बताए ।  भट्टराईले आगामी दिनमा वृहत अग्रगामी शक्तिहरूको ध्रुवीकरण गरेर देशलाई विकास, सुशासन, समृद्धिको दिशामा लिएर जाने पार्टीको लक्ष्य रहेको बताए ।  
००००
यसैगरी गौतमले निर्वाचनमा जीत सुनिश्चित गर्नका लागि नेकपा माओवादी केन्द्रको चुनाव चिह्न लिएको बताएका छन् । मंगलवार आगामी निर्वाचनमा सहकार्य गरेर अर्को पार्टीको चुनाव चिह्नबाट चुनावमा सहभागी बन्ने सम्बन्धी नियम, कानूनबारे जानकारी लिन निर्वाचन आयोग पुगेका सदस्य गौतमले यस्तो बताए ।

उनले चुनाव जित्ने आधार भनेकै गठबन्धन भएको भन्दै जित्नकै लागि माओवादी पार्टीको चुनाव चिह्न लिएको बताए । सदस्य गौतमले माओवादी केन्द्रको तर्फबाट चुनाव लडेर जितेपछि पनि संसदमा आफ्नो भूमिका स्वतन्त्र उम्मेदवारको रूपमा रहने बताए । उनले नेकपा एमालेको चुनाव चिह्न लिएर प्रतिस्पर्धा गर्दा हार्ने सुनिश्चित रहेको बताए । हँसिया हथौडाको पछि गठबन्धन रहेको र गठबन्धन अनेक हिसाबले अरु सबै गठबन्धन र पार्टीभन्दा अघि रहेको दाबी गरे ।
००००
प्रतिनिधिसभा र प्रदेशसभा सदस्य निर्वाचनका लागि नयाँ र पुराना गरी ८४ दलले दर्ताको निवेदन दिएका छन् । सरकारले निर्वाचन आयोगको परामर्शमा यही साउन १९ गते आगामी मङ्सिर ४ गतेका लागि एकै चरणमा निर्वाचनको मिति घोषणा गरेपछि दिइएको दल दर्ताको अवधिको अन्तिम दिन मंगलबारसम्म ती दलले दर्ताका लागि निवेदन दिएका हुन् ।

Vianet communication
IME BANK INNEWS

आयोगले ती दलको मूल दर्ता र दर्ता मिति, पार्टीको नाम, पार्टीका प्रमुखको नाम, आयोगमा रहेको दल दर्ता नम्बरसमेतको सूचीसहितको विवरण तयार गरेको छ ।
००००
काठमाडौं आएको बखत माओवादी केन्द्रका अध्यक्ष प्रचण्डलाई भेटेका धरानका मेयर हर्क साम्पाङले सो क्रममा श्रमदानका लागि निम्ता दिएको बताएका छन् । ‘आज प्रचण्डसँग भेट भयो मैले उहाँलाई सर्दु खोलामा श्रमदान गर्न आउने निम्तो दिएँ ।’ उनले मंगलबारसामाजिक सञ्जालमा भनेका छन् । प्रचण्डले आफ्नो निम्तो स्वीकारेर हुन्छ भनेको साम्पाङको भनाइ छ ।
००००
जिल्ला न्यायाधीश नियुक्तिका लागि २१ जनाको नाम सिफारिस भएको छ । न्याय परिषद्को मंगलबार बसेको बैठकले २१ जनाको नाम सिफारिस गरेको हो । सिफारिसमा पर्नेमा टेक बहादुर कार्की, प्रकाश कोइराला,  ध्रुब बिक्रम ढकाल,  विकास श्रेष्ठ,  नवराज दुलाल, जगन्नाथ पौडेल रहेका छन् । 

यस्तै  विष्णु प्रसाद रेग्मी,  पुरुषोत्तम नेपाल, राजेश्वर अर्याल,  महेन्द्र बहादुर थापा क्षेत्री,  भीम बहादुर निरौला,  रामानन्दप्रसाद निरौला,  मोहन सुवेदी,  सुरेशराज खनाल,  निर्मला शर्मा सुवेदी,  हर्क बहादुर क्षेत्री,  पूर्णिमा कोइराला,  तारादेवी महर्जन,  डल्लुराम चौधरी,  ताराकुमारी शर्मा र  भगवती शर्मा ढुङ्गानाको नाम पनि सिफारिस भएको छ । यसअघि सर्टलिस्टमा ६३ जनाको नाम थियो ।
००००
गत स्थानीय चुनावको खर्च विवरण पेश नगर्ने देशभरका १ लाख २३ हजार ७८३ उम्मेदवारलाई कारवाही गर्न निर्वाचन आयोगले प्रक्रिया अगाडि बढाएको छ ।
निर्वाचनमा भएको सम्पूर्ण खर्चको विवरण तोकिए बमोजिमको ढाँचामा निर्वाचन परिणाम घोषणा भएको ३० दिनभित्र सम्बन्धित जिल्ला वा प्रदेश निर्वाचन कार्यालयमा बुझाउनुपर्ने कानूनी व्यवस्था छ ।
००००
नेपालमा एक वर्षमा १० खर्ब ७ अर्ब ३१ करोड रुपैयाँको रेमिट्यान्स भित्रिएको छ । गत आर्थिक वर्ष २०७८–७९ मा नेपालमा भित्रिएको यस्तो रेमिट्यान्स आय अघिल्लो आवको सोही अवधिको तुलनामा ४.८ प्रतिशतले वृद्धि भएको छ । अघिल्लो वर्ष नेपालमा ९ खर्ब ६१ अर्ब ५ करोड रुपैयाँको रेमिट्यान्स नेपाल भित्रिएको छ । उक्त रेमिट्यान्स आय गत वर्ष ९.८ प्रतिशतले बढेको थियो ।
००००
पूर्ण धार्मिक स्वतन्त्रतासहितको हिन्दू राष्ट्र पुनस्र्थापनाको माग गर्दै राष्ट्रिय प्रजातन्त्र पार्टी नेपालले मेची(महाकाली स्वाभिमान यात्रा गर्ने निर्णय गरेको छ । मंगलवार सम्पन्न केन्द्रीय समिति बैठकले भदौको अन्तिम हप्तादेखि मेची(महाकाली राष्ट्रिय स्वाभिमान यात्रा गर्ने निर्णय गरेको हो ।
००००
शेयर बजारको मापक नेप्से परिसूचकको वृद्धि एक दिन मात्रै टिकेको छ । पछिल्लो एक सातादेखि लगातार घटिरहेको नेप्से परिसूचक सोमवार ५५.८८ अंकले बढे पनि मंगलवार पुनः घटेको छ । सोमवार २०६५.६९ विन्दुमा पुगेको नेप्से मंगलवार २४.८३ अंकले घटेर २०४१.०६ विन्दुमा आइपुगेको छ ।
००००
नेपाली कांग्रेसका सभापति शेरबहादुर देउवाले १० जनालाई केन्द्रीय समितिमा मनोनयन गरेको छ । उनले मंगलवार उनीहरूलाई मनोनयन गरेको मुख्यसचिव कृष्णप्रसाद पौडेलले जानकारी दिएका छन् । 
सभापति देउवाले कांग्रेसको विधानको धारा २१ को उपधारा १० बमोजिम उनीहरूलाई केन्द्रीय सदस्यमा मनोनयन गरेको मुख्य सचिव पौडेलद्वारा जारी विज्ञप्तिमा जनाइएको छ । यसैबीच आफू नपरेपछि पार्वता डीसी चौधरीले पार्टी छाड्ने घोषणा गरेकी छन् । 
००००
सत्तारुढ गठबन्धनले नागरिकता विधेयक पुनः जस्ताको तस्तै संसद्मा प्रस्तुत गर्ने निर्णय गरेको छ । मंगलवार बसेको गठबन्धनको बैठकले राष्ट्रपति कार्यालयबाट फिर्ता भएर आएको नागरिकता सम्बन्धी विधेयक पुनः जस्ताको तस्तै संसद्मा पेस गर्ने निर्णय लिएको सरकार प्रवक्ता ज्ञानेन्द्रबहादुर कार्कीले जानकारी दिए । संसदमा राष्ट्रपतिले फिर्ता पठाएकोबारे सभामुखले जानकारी गराइसकेका छन् । 
००००
भारतबाट पेट्रोलियम पदार्थको मूल्य घटेर आएको छ । भारतीय आयल कर्पोरेसनले पेट्रोलियम पदार्थको मूल्य घटाएर पठाएको हो । तर, नेपाल आयल निगमले मूल्य घटाउन आनाकानी गरेको छ।

Maruti inside
TATA Below
NLIC
ncc inside
असोज १६, २०७९

कांग्रेसले आगामी मंसिर ४ गते हुने निर्वाचनका लागि निर्वाचन आयोगमा बुझाएको समानुपातिक उम्मेदवारको बन्दसूची हेरफेर गरेको छ । निर्वाचन आयोगले आजसम्म बन्दसूची सच्याउने समय दिएको छ । निर्वाचन आयोगले दिएको समयम...

असोज १७, २०७९

पूर्वप्रधानमन्त्री एवं नेपाल समाजावादी पार्टीका अध्यक्ष डा. बाबुराम भट्टराईले आगामी निर्वाचनमा उम्मेदवारी नदिने घोषणा गरेका छन् । गोरखावासीलाई सम्बोधन गर्दै उनले सोमवार फेसबूकमा लेखेका छन्– 'आग...

असोज १६, २०७९

नेपाली सेनाले फूलपाती बढाइँ गरेको छ । काठमाडौंको टुँडिखेलमा नेपाली सेनाले फूलपातीको दिनको अवसरमा फूलपाती बढाइँ गरेको हो ।  सेनाले हरेक वर्ष फूलपातीको दिनमा टुँडिखेलमा फूलपाती बढाइँ गर्दै आएको...

असोज १७, २०७९

सत्तारुढ पाँचदलीय गठबन्धनले आजै सीट र निर्वाचन क्षेत्र बाँडफाँटको अन्तिम टुंगो लगाउने भएको छ ।  सोमवार बिहानैदेखि प्रधानमन्त्री निवास बालुवाटारमा बसेको गठबन्धनका शीर्ष नेताहरूको बैठकले सीट बाँडफाँट टु...

असोज १७, २०७९

नेकपा माओवादी केन्द्रका केन्द्रीय सदस्य एवं निवर्तमान सांसद छक्कबहादुर लामा एमाले प्रवेश गरेका छन् । ​अघिल्लोपटक माओवादीले टिकट नदिएपछि बागी उठेर जितेका लामा पछि माओवादीमै समाहित भएका थिए । अहिले टिकट ...

असोज १६, २०७९

तीनपटक भएको मधेश आन्दोलनका प्रमुख कमान्डर उपेन्द्र यादव सप्तरी- २ बाट फेरि पनि प्रतिनिधि सभाको उम्मेदवार बन्ने लगभग निश्चित छ । तीनपटक लगातार चुनाव जितिसकेका उनी चौथोपटक प्रतिनिधिसभामा प्रवेश गर्नका लागि प्रयासर...

मासु खाने पर्व मात्रै हो र दशैं ?

मासु खाने पर्व मात्रै हो र दशैं ?

असोज १५, २०७९

गाउँको दशैं र शहरको दशैं एउटै भए पनि मनाउने ढंग अलग–अलग छ । शहरमा दशैंमा न पिङ हुन्छ, न आत्मियता । गाउँमा परदेशबाट फर्कनेको लर्को, बोका, खसी र च्यांग्राको आवाज, धानका बाला लहलह झुलेका शितल हावा चले...

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

कर्णालीको कष्टपूर्ण सडक सञ्जाल : दुर्गमका जनताले सुरक्षित यात्रा गर्न नपाउने ?

असोज १४, २०७९

यो वर्ष दशैंको मौसम शुरू भैसक्यो तर घर (जुम्ला) जान न सडक मार्ग गतिलो छ, न त हवाइमार्गको टिकट सहजै पाइन्छ । सधैँ झैं हुन्छ कि भनेर ‘झुक्याउने’ एयरलाइन्स एजेन्सी एजेन्ट मोबाइल फोन अफ हुन थालिस...

रवीन्द्र मिश्रको हाँसो लाग्दो भाषण सुनेपछि...

रवीन्द्र मिश्रको हाँसो लाग्दो भाषण सुनेपछि...

असोज १३, २०७९

बीपी कोइरालाको आदर्श मैले बोकेको छु भन्दै चुनावको मुखैमा रवीन्द्र मिश्र राप्रपा नेपालको हलो तान्न आइपुगेका छन् । पशुपति शमशेर राणा जत्तिकै उमेरसम्म  बाँचेर भए पनि देशको रक्षा गर्ने अठोट लिएका मिश्रले देशमा...

ad
x