नेकपा माओवादी केन्द्रले वरिष्ठ उपाध्यक्ष नारायणकाजी श्रेष्ठको नेतृत्वमा घोषणा-पत्र तयारी समिति बनाएको छ । प्रदेश सभा र प्रतिनिधि सभा निर्वाचनको लागि माओवादी केन्द्रको घोषणा-पत्र तयार गर्ने जिम्मेवारी श्रेष्ठ नेतृत्वको टोलीले पाएको छ । 

प्रदेश र प्रतिनिधि सभाको चुनाव मंसिरमा ४ का लागि घोषणा गरिएको छ ।

शनिवार पार्टीको केन्द्रीय कार्यालय पेरिसडाँडामा बसेको स्थायी कमिटी बैठकले श्रेष्ठको नेतृत्वमा १७ सदस्यीय घोषणा–पत्र तयारी समिति बनाएको हो ।

समितिको सदस्यमा महासचिव देव गुरुङ, उपमहासचिवहरू गिरिराजमणि पोखरेल, वर्षमान पुन, जनार्दन शर्मा, शक्ति बस्नेत रहेका छन् । त्यसैगरी, सचिवहरू लीलामणि पोखरेल, गणेश साहलाई पनि घोषणा–पत्र मस्यौदा समितिको सदस्य बनाइएको छ । 

पदाधिकारीभन्दा बाहिरबाट हरि रोका, परशुराम रम्तेल अमृता थापा, जाकिर हुसेन, कृष्ण चौधरी, पर्शुराम तामाङ, भीम ढुंगाना, जगत सिम्खडा सदस्य रहेका छन् ।