भारतको बिहारका मुख्यमन्त्री नितिश कुमारले नेपाली कांग्रेसका नेता प्रदीप गिरीको निधनप्रति दुख व्यक्त गरेका छन् । आइतवार ट्वीटरमा सन्देश लेख्दै उनले दिवंगत गिरीप्रति श्रद्धाञ्जली व्यक्त गरेका हुन् । 

जनता दल युनाइटेडका नेतासमेत रहेका नितिश कुमारले गिरी नेपाली राजनीतिका दार्शनिक एवं समाजवादी विचारक रहेको उल्लेख गरेका छन् । नितिश कुमारले गिरीले सबै राजनीतिक विचारधारा र राजनीतिक दलको आदर र सम्मान व्यक्त गरेको उल्लेख गरेका छन् । उनले गिरीको आत्माको शान्तिको कामना पनि गरेका छन् ।