काठमाडौं महानगरपालिकाले महानगरभित्रका अनधिकृत संरचनाहरू हटाउन थालेको छ । सार्वजनिक जग्गा हडपेर, स्वीकृति नलिई बनाइएका एवं स्वीकृति लिएभन्दा फरक प्रयोजनमा प्रयोग गरिएका संरचनाहरू काठमाडौं महानगरपालिकाले हटाउन थालेको हो । 

अनधिकृत संरचना हटाउन काठमाडौं महानगरपालिकाका प्रमुख (मेयर) बालेन्द्र साह (बालेन) आफैँ फिल्डमा खटिएका छन् । काठमाडौं महानगरपालिकाले स्वीकृत नलिई बनाइएको न्युरो आर बी कम्प्लेक्सको संरचना डोजर प्रयोग गरेर हटाएको छ । त्यस्तै न्यूराेड क्षेत्रका अन्य अनधिकृत संरचना हटाइएकाे महानगरपालिकाले जनाएकाे छ ।