मंसिर ४ को निर्वाचनमा ८७ वटा राजनीतिक दल सहभागी हुने

मंसिर ४ गते हुने प्रतिनिधि सभा तथा प्रदेश सभा निर्वाचनमा ८७ वटा राजनीतिक दल सहभागी हुने भएका छन् । निर्वाचन आयोगले निर्वाचन प्रयोजनार्थ दल दर्ताका लागि तोकिएको समयावधिभित्र ति दल दल दर्ता हुन आएको जानकारी दिएको छ । 

बिहीवार आयोगले जारी गरेको विज्ञप्तिमा प्रतिनिधि सभा सदस्य निर्वाचन प्रयोजनका लागि ८० वटा दल दर्ताको निवेदन परेको र एकल चुनाव चिह्न लिई निर्वाचनमा भाग लिने प्रयोजनका लागि ४ वटा निवेदन गरी जम्मा ८४ (चौरासी) वटा  निवेदन प्राप्त गरेको थियो । जसमध्ये आयोगले निवेदनलगायत अन्य कागजातहरूको अध्ययन र जाँचबुझ गर्दा आगामी प्रतिनिधि सभा सदस्य निर्वाचनमा ७९ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ८७ कायम गरेको छ । 

त्यसैगरी प्रदेशसभा सदस्य निर्वाचन, २०७९ को प्रयोजनका लागि प्रदेश १ मा ६२ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ७० छ । मधेश प्रदेशमा ६७ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ७५, बागमती प्रदेशमा ६४ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ७२ रहेको छ । 

गण्डकी प्रदेशमा ५८ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ६६, लुम्बिनी प्रदेशमा ६० वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ६८ रहेको छ ।
कर्णाली प्रदेशमा ५६ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ६४ र सुदूरपश्चिम प्रदेशमा ५६ वटा दलका निर्वाचन चिह्नहरूमध्येबाट मतपत्रमा कायम रहने गरी जम्मा सहभागी हुने दलको संख्या ६४ रहने गरी आयोगले निर्णय गरेको छ । 

छुट्टै दल दर्ता गर्न नपर्ने 

आयोगका अनुसार नेपाल समाजवादी पार्टी, नेपाल दलित पार्टी, आधुनिक नेपाल समाजवादी पार्टी, नेपाल कम्युनिट पार्टी (माओवादी केन्द्र), र नेपाल कम्युनिष्ट पार्टी (समाजवादी) समेत गरी ५ वटा राजनीतिक दलहरूले एउटै चुनाव चिह्न लिई निर्वाचनमा सहभागी हुने भएका छन् ।

ती दलहरूलाई छुट्टै दलको रूपमा दर्ता नगर्ने निर्णय आयोगले गरेको छ । 

निर्वाचन चिह्न माग गर्ने दललाई निर्वाचन चिह्न प्रदान गर्ने सम्बन्धमा  यस्तो छ आयोगको निर्णय 

छुट्टै दल दर्ता गर्न नपर्ने सम्बन्धमा

राजनीतिक दल सम्बन्धी ऐन, २०७३ को दफा ४८ र राजनीतिक दल सम्बन्धी नियमावली, २०७४ को नियम १६ बमोजिम निर्वाचनमा सहभागी हुन नेपाल समाजवादी पार्टी, नेपाल दलित पार्टी, आधुनिक नेपाल समाजवादी पार्टी, नेपाल कम्युनिट पार्टी (माओवादी केन्द्र), र नेपाल कम्युनिष्ट पार्टी (समाजवादी)–१ समेत गरी ५ वटा राजनीतिक दलहरूले अनुसूची–१२ बमोजिमको निवेदन पेश गरेकोमा ती दलहरूले राजनीतिक दल सम्बन्धी ऐन, २०७३ को दफा ४९ बमोजिम एकल चुनाव चिह्न लिई निर्वाचनमा सहभागी हुने गरी राजनीतिक दल सम्बन्धी नियमावली, २०७४ को नियम १८ को अनुसूची–१३ बमोजिमको दल दर्ताको निवदेन पेश गरेको हुँदा ती दलहरूलाई राजनीतिक दल सम्बन्धी नियमावली, २०७४ को नियम १८ को उपनियम (५) बमोजिम छुट्टै दलको रूपमा दर्ता नगर्ने निर्णय आयोगले गरेको छ । 

निर्वाचन चिह्न माग गर्ने दललाई निर्वाचन चिह्न प्रदान गर्ने सम्बन्धमा

राष्ट्रिय यथार्थवादी पार्टी, नेपालले मोटरसाईकल, सामाजिक लोकतान्त्रिक पार्टीले तीन ढुङगे अघिनो र त्रिमूल नेपालले ओदान निर्वाचन चिह्न दल दर्ताको निवेदन पेश गर्दा माग गरेको देखिँदा उक्त दलहरूलाई माग बमोजिम कै तत् तत् निर्वाचन चिह्न प्रदान गर्ने र उक्त चिह्नहरू तत् तत् दलको निर्वाचन चिह्नको रूपमा रहने गरी राजनीतिक दल सम्बन्धी ऐन, २०७३ को दफा ५१ बमोजिम अभिलेखीकरण गर्ने निर्णय आयोगले गरेको छ । 

निर्वाचन चिह्न प्रदान गरी सोको क्रम निर्धारण एवं राजपत्रमा    प्रकाशन गर्ने सम्बन्धमा

दर्ता भएका राजनीतिक दलहरू मध्ये निर्वाचन हुनुभन्दा तत्काल अघि कायम रहेको प्रतिनिधि सभा÷प्रदेश सभामा प्रतिनिधित्व गर्ने दलले त्यस्तो प्रतिनिधि सभा÷प्रदेश सभाको निर्वाचनमा समानुपातिक निर्वाचन प्रणाली तर्फ प्राप्त गरेको मत संख्याको आधारमा र प्रतिनिधित्व नगर्ने दलको हकमा प्रतिनिधि सभा/ प्रदेश सभा सदस्य निर्वाचन, २०७९ को प्रयोजनको लागि आयोगमा दल दर्ता भएको क्रमको आधारमा राजनीतिक दल एवं उम्मेदवारको निर्वाचन चिह्न मतपत्रमा समावेश गर्ने र यसरी निर्धारण गरिएका निर्वाचन चिह्न नेपाल राजपत्रमा प्रकाशन गर्ने निर्णय आयोगले गरेको छ ।