आगामी मंसिर ४ गत हुने प्रतिनिधि सभा र प्रदेश सभा निर्वाचनमा समानुपातिक प्रणालीतर्फ भाग लिन ७६ दलले आवेदन दिएका छन् । समानुपातिकतर्फ भाग लिनका लागि निर्वाचन आयोगमा ७६ दलले ६८ वटा निवदेन दिएका हुन् । 

आयोगका प्रवक्ता सूर्यप्रसाद अर्यालका अनुसार प्रदेश सभा सदस्यको समानुपातिक निर्वाचन प्रणालीतर्फ प्रदेश १ मा विभिन्न ६३ वटा दलबाट ५५ वटा निवेदन परेको छ । त्यस्तै, मधेश प्रदेशमा ६७ दलबाट ५९, बागमतीमा ६६ वटा दलबाट ५८, गण्डकी प्रदेशमा ६० दलबाट ५२, लुम्बिनी प्रदेशमा ६२ दलबाट ५४, कर्णाली प्रदेशमा ५७ दलबाट ४९ र सुदूरपश्चिम प्रदेशमा ५८ वटा दलबाट ५० वटा निवेदन परेको छ ।