दीपेन्द्र के. खनाल निर्देशित फिल्म ‘के घर के डेरा’को फस्टलुक सार्वजनिक गरिएको छ । बिहीवार निर्माण टिमले फस्टलुकस्वरुप फिल्मको ३ वटा पोष्टर सार्वजनिक गरेको हो । जसमध्ये एउटा पोष्टरमा फिल्मका मुख्य कलाकारहरु दयाहाङ राई, विपिन कार्की, रवीन्द्र झा, वर्षा राउत, सुरक्षा पन्तलाई प्रस्तुत गरिएको छ । 

अन्य दुई पोष्टरमध्ये एउटामा दयाहाङ  र अर्कोमा विपिनलाई मात्रै प्रस्तुत गरिएको छ । ‘के घर के डेरा’ तिहारको छेको पारेर कात्तिक ४ गतेदेखि प्रदर्शनमा आउँदैछ । शरद श्रेष्ठ, राजीव श्रेष्ठ र किरण महर्जन निर्माता रहेको फिल्ममा युवराज कार्की कार्यकारी निर्माता छन् ।