मापदण्ड विपरीतका अनधिकृत संरचना भत्काउने अभियान पोखरामा पनि शुरू भएको छ ।

पोखरा महानगरपालिकाले बिहीवार महेन्द्रपुल क्षेत्रका अनधिकृत संरचनामा डोजर चलाएको हो ।

मेयर धनराज आचार्यको उपस्थितिमा महेन्द्र पुल क्षेत्रका ३२ सटरमा डोजर चलाइएको छ । पर्याप्त सूचना दिएर अनधिकृत संरचना हटाउन लागिएको मेयर आचार्यले बताएका छन् । उनले पर्यटकीय नगरी पोखरालाई व्यवस्थित शहर बनाउने योजना अनुसार अनधिकृत संरचना हटाउन लागिएको बताए । 

पोखरा आर्ट ग्यालरी भएको भवनको सटरमा डोजर चलाइएको छ । काठमाडौंका मेयर बालेन्द्र शाहले अनधिकृत संरचनाभ त्काउन शुरू गरेपछि त्यसको लहर अन्य जिल्लामा पनि पुगेको छ ।