शुक्रवार (आज) पनि सत्ता गठबन्धनको शीर्ष नेतृत्वको बैठक बस्दैछ । 

आज बस्ने बैठकले  प्रतिनिधि सभा र प्रदेश सभाको चुनावका लागि सिट बाँडफाँडबारे तयार पारेको प्रतिवेदनमाथि छलफल गर्ने बताइएको छ । 

प्रतिवेदनको अध्ययन पछि शीर्ष नेतृत्वले थप छलफल गरेर सिटको भागबण्डाको संख्यालाई अन्तिम रूप दिने बताइएको छ । 

सत्ता गठबन्धनको सिट बाँडफाँटमा सहमति जुटाउन गठन भएको कार्यदलले बिहीबार शीर्ष नेतालाई आफ्नो प्रतिवेदन बुझाएको थियो । 

आजको बैठकमा सोही प्रतिवेदनमाथि शीर्ष नेतृत्वले छलफल गर्न लागेको हो । 

हालसम्म भएका छलफलका निचोडका आधारमा प्रतिवेदन तयार गरेर बिहीवार शीर्ष नेतृत्वलाई बुझाइएको हो । 

बिहीबार दिनभरजसो प्रधानमन्त्री निवास बालुवाटारमा कार्यदल र शीर्ष नेतृत्वको बैठक बसेको थियो । 

कार्यदलले गठबन्धनबीच सिटबारे सहमति जुटेको क्षेत्र र नजुटेको क्षेत्रसमेत समेटेर प्रतिवेदन तयार गरी बुझाएको बताइएको छ ।