नेकपा माओवादी केन्द्रका अध्यक्ष प्रचण्ड र नेसपाका अध्यक्ष डा बाबुराम भट्टराईबीच शुक्रबार भेटवार्ता भएको छ । प्रचण्ड भट्टराईलाई भेट्न उनकै निवास पुगेका हुन् । भेटका क्रममा गम्भीर वैचारिक–राजनीतिक छलफल भएको भट्टराईले सामाजिक सञ्जालमार्फत जानकारी दिएका छन् । 

‘लामो समयपछि क प्रचण्डसँग गम्भीर वैचारिक(राजनीतिक छलफल । पारिवारिक वातावरणमा केही रमाइलो पनि’, भट्टराईले भनेका छन् । भट्टराईले सार्वजनिक गरेको तस्बिरमा पारिवारिक माहौलको वातावरण देखिन्छ । 
पछिल्लो समय प्रचण्ड–बाबुरामको निकटता बढेको छ भने भट्टराईले आफ्नो पार्टी माओवादीको चुनाव चिह्नबाटै निर्वाचन लड्ने सहमति गरेका छन् ।