‘वीर विक्रम’ फ्रेम्ड अभिनेत्री दीया पुनले नयाँ चलचित्र ‘अन्तिम संस्कार’को छायाँकन शुरू गरेकी छिन् । 

हिमाली जिल्ला मुस्ताङबाट यो चलचित्रको छायाँकन शुरू भएको हो । 

शाही प्रोडक्सन नेपाल प्रालिको ब्यानरमा निर्माण हुन लागेको चलचित्रको मुक्तिनाथ मन्दिरमा शुभमूहुर्त गरेर छायांकन शुरू गरिएको हो । 

सांस्कृतिक तथा सामाजिक कथावस्तुमा निर्माण हुन लागेको चलचित्र छायांकन गर्न दियासहित अन्य कलाकारहरु मुस्ताङ पुगेका छन् । 

चलचित्र युनिटले मुस्ताङमा करिब ४० प्रतिशत छायांकन सक्काएर बाँकी छायांकन काठमाडौंमा गर्ने बताएको छ ।

मुस्ताङको जोमसोम,  मार्फा, कागबेनी र मुक्तिनाथ क्षेत्रमा यस चलचित्रको छायांकन गरिने चलचित्र निर्माता विनोद सुवेदी खत्रीले जानकारी दिए ।

चलचित्रको निर्माता विनोद सुवेदी हुन् भने चलचित्रको निर्देशन प्रदीप शाहीले गर्नेछन् ।

प्रेम खड्का र वोधराज पौडेलले मुस्ताङको छायाँकनको व्यवस्थापन गरेका छन् । 

झण्डै डेढ करोड लागत बताईएको चलचित्रमा दीया पुनसँगै, विजय लामा, विशाल पहाडी, कृष्णभक्त महर्जन, एवन राज उप्रेती, श्याम राई, शारदा गिरी, त्रिचु राई, सश्मिता गिरी र दिग्गज खत्री लगायतको अभिनय रहने छ । 

चलचित्रको छायांकन बाबु श्रेष्ठले गर्दैछन् । 

निर्देशक शाहीको ‘अन्तिम संस्कार’ दोस्रो चलचित्र हो । 

उनको निर्देशनमा बनेको पहिलो चलचित्र ‘गोर्खा बिनिथ द ब्रेभरी’ हालसालै प्रर्दशन भइसकेको छ ।