संविधान दिवसको अवसरमा संविधान दिवस मूल समारोह समितिले टुँडिखेलमा विशेष समारोहको आयोजना गरेको छ ।

सो समारोहमा राष्ट्रपति विद्यादेवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, कायममुकायम प्रधानन्यायाधीश दीपक कुमार कार्की, सभामुख अग्नि सापकोटा लगायत सहभागी भएका छन् । 

सरकारले संविधान जारी भएयता हरेक वर्ष असोज ३ गते संविधान दिवस मनाउँदै आएको छ ।

विगतमा सो समारोहमा प्रधानन्यायाधीश उपस्थित हुने गरेका थिए । 

तर यस वर्ष भने कामु प्रधानन्यायाधीश कार्की सहभागी भएका हुन् । 

महाभियोग लागेपछि प्रधानन्यायाधीश चोलेन्द्र शमशेर जबरा यतिखेर निलम्बनमा छन् ।