×

NMB BANK
Dabur

नमूना जनप्रतिनिधि

जनताको स्वास्थ्य जाँच्न घर–घर पुग्ने 'अपवाद' वडाध्यक्ष [भिडियो स्टोरी]

असोज ६, २०७९

NTC
Premier Steels

भक्तपुर नगरपालिका वडा नम्बर– ५ को त्रिपुरासुन्दरी टोलमा बुधबार विहान वडाध्यक्ष योगेन्द्रमान बिजुक्छे आफै‌ं स्थानीयको स्वास्थ्य परीक्षण गरिरहेका थिए ।

Sagarmatha Cement
Muktinath Bank

त्यसदिन मात्रै उनले स्थानीयको स्वास्थ्य जाँच गरेका होइनन् । यो उनको नियमित रुटिन नै हो । गत वैशाखमा भएको चुनावमा बिजुक्छे वडाध्यक्ष निर्वाचित भएका थिए ।


Advertisment
RMC TANSEN
IME BANK INNEWS
shivam ISLAND

भक्तपुर नगरपालिकाभित्रका हरेक टोलमा स्थानीय सरकारले घरदैलोमै गएर जनताको स्वास्थ्य परीक्षण गर्ने कार्यक्रम चलाएको छ । सबै वडाले स्वास्थ परीक्षणको कार्यक्रमलाई प्राथमिकताका साथ निरन्तरता दिइरहेका छन् ।


Advertisment
SBL

त्यही कार्यक्रममा वडा अध्यक्ष बिजुक्छे पनि खटिन्छन् । हरेक दिन बिहान स्थानीयको घरघरमा गएर स्वास्थ्य परीक्षण हुन्छ ।

Vianet communication
Laxmi Bank

बिजुक्छे भने सबै दिन स्वास्थ्य परीक्षणमा खट्न भ्याउँदैनन् । समय मिल्दा उनी आफ्ना प्राविधिक टीमसँगै स्थानीयको स्वास्थ्य परीक्षणमा जान्छन् र आफैँले स्थानीयको ब्लडप्रेसर जाँच्छन् । 

बुधवार उनी भक्तपुरको वडा नम्बर ५ त्रिपुरासुन्दरी टोलमा स्थानीयको ब्लड प्रेसर जाँच गरिरहेका थिए । वडाध्यक्ष आफैँ ब्लड प्रेसर जाँच्न आएको देखेपछि अरू स्थानीयहरू पनि क्रमशः जम्मा हुन थाले । 

सोही क्रममा स्थानीय सानुमाया नापितले वडाध्यक्षसँगै प्रेसर जँचाइन् । उनको प्रेसर ठीक रहेछ । बिजुक्छेले नापितको प्रेसर ठीक रहेको जानकारी आफ्नो मेडिकल टीमलाई दिए ।

मेडिकल टीमले रेकर्ड तयार गर्‍यो । रिपोर्ट राम्रो आउँदा नापित खुशी भइन् । वडाध्यक्ष आफ्नै टोलमा आएर ब्लड प्रेसर जाँच गरिदिँदा नापित अझ बढी खुशी देखिइन् । 

उनले भनिन्, ‘वडाध्यक्षसँगै प्रेसर जचाउन पाएँ । धेरै खुशी लाग्यो । हाम्रो वडाध्यक्षले धेरै राम्रो काम गर्नुभएको छ ।’ 

वडाको मेडिकल टीम हरेक टोलमा पालैपालो पुग्छ र स्थानीयलाई बोलाएर स्वास्थ्य जाँच गर्छ ।

नापितले भनिन्, ‘उहाँहरू स्वास्थ्य परीक्षण गर्न आउनुहुन्छ । उहाँहरू आएको हामीले थाहा पाएनौं भने घन्टी बजाएर बोलाएर जाँच गरेरै जानुहुन्छ ।’

वडाले घरमै आएर स्वास्थ्य जाँच गरिदिएकोमा स्थानीय खुशी छन् । 

‘प्रेसर जचाउन अस्पताल गयो भने घन्टौं लाइन बस्नुपर्छ । यहाँ त घरघरमा आएर जाँच गरिदिनुहुन्छ । हामीलाई असाध्यै सजिलो भएको छ’, नापितले भनिन् ।

स्थानीय लक्ष्मी अवाले मर्निङवाकबाट आउँदै गर्दा वडाको टोलीले स्वास्थ्य जाँच गरिरहेको देखिन् । उनलाई पनि आफ्नो प्रेसर जचाउन मन लाग्यो । वडाध्यक्ष बिजुक्छेसमक्ष गइन् र प्रेसर जँचाइन् । 

अवाले भन्छिन्, ‘वडा अध्यक्षसहितको स्वास्थ्य टोली हाम्रै घर आँगनमा आउँदा सम्बन्ध घनिष्ट हुन्छ । हाम्रा केही समस्या भए पनि सजिलै राख्न पाइन्छ ।’

भक्तपुर नगरपालिकामा स्थानीय सरकारले राम्रो काम गरिरहेको र भक्तपुरवासी हुन पाएकोमा आफूहरूलाई असाध्यै खुशी लाग्ने अवालेले बताइन् ।

‘हाम्रा जनप्रतिनधिले राम्रो काम गरिरहनुभएको छ । मलाई त म भक्तपुरवासी भएकोमा गर्व लाग्छ,’ उनले भनिन् । 

स्थानीयको घरघरमा स्वास्थ्य परीक्षण गर्न जाने वडाध्यक्ष बिजुक्छे आफैं भने स्वास्थ्यकर्मी होइनन् । स्वास्थ्य टीमसँग जाँदा उनले स्थानीयको ब्लड प्रेसर मात्रै जाँच्छन् । यो पनि काम गर्दागर्दै उनले जानेका हुन् । 

‘म स्वास्थ्य चिकित्सक होइन ।  कुनै औपचारिक तालिम लिएको पनि छैन तर मलाई राम्रोसँग प्रेसर नाप्न आउँछ’, बिजुक्छेले भने ।

उनी नेपाल मजदुर किसान पार्टी (नेमकिपा)का अध्यक्ष नारायणमान बिजुक्छेका कान्छा भाइ हुन् । उनको परिवार नै राजनीतिमा थियो ।  

पञ्चायतकालमा राजनीतिक गतिविधिमा संलग्न भएका कारण उनीहरू पक्राउ परिरहन्थे । लामो समयसम्म जेलमा बस्नुपर्ने हुन्थ्यो । तर, उनको आमालाई भने मानसिक तनाव हुन्थ्यो । त्यही कारण आमाको ब्लड प्रेसर बढ्यो । प्रेसरकै कारण पक्षघात भयो ।

त्यसपछि भने आमालाई निरन्तर ब्लड प्रेसर जचाउन अस्पताल लैजानुपर्ने भयो । यो जिम्मेवारी कान्छो छोरा योगेन्द्रमानको काँधमा आयो ।

पक्षघात भएको बिरामीलाई निरन्तर अस्पताल लैजाने ल्याउने कठिन र झञ्झटिलो काम थियो । बिरामीलाई पनि उत्तिकै पीडादायी हुन्थ्यो ।

यस्तो समस्या नियमित देखिरहेकी स्थानीय नर्सले बिजुक्छेलाई ब्लड प्रेसर जाँच्न सिकाइन् ।

आफैँले आमाको ब्लड प्रेसर जाँच्न थालेपछि परिवारका सदस्यले घरमा आफूलाई स्वास्थ्य मन्त्री भनेर जिस्क्याउने गरेको उनले सुनाए । 

त्यसबेला, बाध्यताले सिकेको काम अहिले सामाजिक सेवामा प्रयोग गर्न पाएकोमा बिजुक्छे खुशी छन् । 

‘अरूले जनतासँग भोट मात्रै माग्छन् । तर, नेमकिपाले जनताको सेवा गर्छ’, उनले भने ।

हेर्नुहोस्, भिडियो :

hAMROPATRO BELOW NEWS
NLIC
TATA Below
माघ ३, २०८०

गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्‍यो, जहाँ उनले गाडी गुल्टिरहेको देखे । गाडी तल...

असोज १२, २०८०

खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...

भदौ १७, २०८०

काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ ।  सरकारी मर्यादाक्रममा मुख्यसचिव ...

मंसिर १९, २०८०

पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...

भदौ २६, २०८०

ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...

मंसिर ७, २०८०

'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...

कहाँ चुक्यौँ हामी ?

कहाँ चुक्यौँ हामी ?

फागुन १९, २०८०

हामी सबैको आकाश एउटै छ । धर्ती एउटै छ । हावा, पानी, माटो एउटै छ । अग्नि, वायु, सूर्य एउटै छ । जन्म प्रक्रिया एउटै छ, मरण प्रक्रिया एउटै छ । जीवन प्रक्रिया एउटै छ, जीवन प्रणाली एउटै छ । मांसपेशी प्रणाली एउटै छ ...

‘कुशासन’- पवित्रतालाई समेत छायाँमा पारेको एक बदनाम शब्दावली

‘कुशासन’- पवित्रतालाई समेत छायाँमा पारेको एक बदनाम शब्दावली

फागुन १७, २०८०

हामीले सुन्दै आएको शब्द ‘कुशासन’को दुई फरक अर्थ हुन्छ । धेरैले राज्य शासनसँग जोडिएको घिनलाग्दो शब्द 'कुशासन' सुन्नुभएकै छ। पूजापाठ वा पवित्र कार्यमा बिछ्याइने कुशबाट बनेको चकटी वा आसनलाई प...

गल्ती दर्शनको सन्देश

गल्ती दर्शनको सन्देश

फागुन १२, २०८०

हामी प्रायः गल्ती गर्नु हुँदैन भन्छौँ, गल्ती हुन्छ कि भनेर डराउँछौँ । आफ्ना नानीहरूलाई पनि यस्तै शिक्षा दिन्छौँ । गल्ती गर्नु राम्रो होइन भन्छौँ, गल्ती गरे दण्ड पाइन्छ भन्ने गर्छौँ, तर गल्ती भन्ने कुरा नै त्यस्तै । नगरौँ...

x