नेकपा एमालेसँग चुनावी तालमेलको प्रयास गरेका राप्रपा नेपालका अध्यक्ष कमल थापाले एमालेको सहयोग नपाउने भएका छन् । एमालेले मकवानपुरका दुवै क्षेत्रमा टिकट दिएको छ । कमल थापाको क्षेत्र रहेको मकवानपुर १ मा रामेश्वर राना र २ मा महेश बर्तौलाले टिकट पाएका हुन् । स्थानीय तह निर्वाचनमा कमल थापाको पार्टीले एमालेको चिह्नबाटै चुनाव लडेको थियो । 

स्थानीय तह निर्वाचनमा थापाको पार्टीबाट अपेक्षित भोट नआएपछि एमालेले तालमेलमा चासो नदेखाएको हो । प्रतिनिधि सभा चुनावमा पनि थापाको पार्टीले एमालेसँग तालमेल गर्ने बताएको थियो । 

राजेन्द्र लिङदेन अध्यक्ष रहेको राप्रपालाई भने एमालेले पाँच ठाउँमा सिट छाड्ने सहमति गरेको छ । झापा ३, चितवन ३, रुपन्देही ३ लगायतका सिट एमालेले राप्रपालाई छाड्ने भएको छ ।