कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
असोज २६, २०७९
आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि पूर्व प्रहरी अधिकृतहरू पनि चुनावी मैदानमा उत्रिएका छन् ।
प्रहरी सेवामा रहँदा विभिन्न तरिकाबाट ख्याति कमाएका पूर्व प्रहरी अधिकारीहरू विभिन्न पार्टीबाट निर्वाचनमा सहभागी हुन लागेका हुन् ।
सेवामा रहँदा कमाएको नाम र पैसाले निर्वाचनमा पनि काम गर्ने विश्वासमा उनीहरू राजनीतिमा होमिएका छन् । २०७४ सालको निर्वाचनमा एमालेबाट पूर्व डीआईजी नवराज सिलवाल ललितपुर क्षेत्र नम्बर १ बाट निर्वाचित भएका थिए ।
चर्चित आईजीपी प्रकरणमा प्रहरी प्रमुख बन्न नपाएपछि प्रहरी सेवाबाट अलग भएका पूर्व डीआईजी सिलवालले सांसद बनेर राजनीतिमा छलाङ हान्न सफल भए ।
तत्कालीन सरकारले जयबहादुर चन्दलाई आईजीपी बनाउन चाहेको थियो । सिलवालले आफू कासमुमा सबैभन्दा अगाडि रहेको जिकिर गरेका थिए ।
अन्तिममा कासमु खोल्दा प्रकाश अर्याल पहिलो नम्बरमा रहेको पाइयो र उनी प्रहरी प्रमुख बने । त्यसपछि प्रहरी छाडेर सिलवाल एमाले प्रवेश गरेका थिए ।
अहिले सिलवालकै बाटो पछ्याउँदै पूर्व आईजीपी सर्वेन्द्र खनाल पनि प्रतिनिधिसभा सदस्यको उम्मेदवार बनेका छन् । प्रहरी सेवामा ३० वर्ष काम गरेर खनाल २०७६ माघ २८ गते सेवानिवृत्त भएका थिए । त्यसयता उनले नेकपा एमालेसँग निकट भएर विभिन्न गतिविधि गर्दै आएका छन् । अहिले एमालेले उनलाई निर्वाचन क्षेत्र नम्बर ६ बाट टिकट दिएको छ ।
नेपाली कांग्रेसको बलियो पकड भएको काठमाडौं निर्वाचन क्षेत्र नम्बर ६ बाट चुनाव जित्न निकै मेहनत गर्नुपर्ने देखिन्छ । कांग्रेस उम्मेदवार भीमसेनदास प्रधानलाई माओवादी, नेकपा (एकीकृत समाजवादी)सहितको गठबन्धन छ ।
स्थानीय तहको मत परिणामअनुसार नेपाली कांग्रेसको १७ हजार २७७ मत, माओवादीले २ हजार ४६२ मत र नेकपा एसले १ हजार ८१६ मत गरी २१ हजार ५९८ मत पाएका छन् ।
एमालेको १४ हजार ३०३ मत मात्रै छ । काठमाडौंमा एमाले र राप्रपाबीच समेत तालमेल हुन सकेको छैन । त्यसो त राप्रपाले सहयोग नै गरे पनि झण्डै २ हजार (१ हजार ८१६) मत मात्र थपिने स्थानीय तहको नतिजाले देखाउँछ ।
प्रहरी प्रमुखमा सर्वेन्द्रले बाजी मारेपछि डीआईजीबाटै राजीनामा दिएका रमेश खरेल पनि उम्मेदवार बनेर चुनावी मैदानमा उत्रिएका छन् ।
आईजीपीका दाबेदार रहेका खनाल सर्वेन्द्र आईजीपी बनेपछि २०७४ चैत २८ गते राजीनामा दिएर प्रहरी सेवाबाट अलग भएका थिए ।
खनाल अहिले आफ्नो नयाँ दल ‘नेपाल सुशासन पार्टी’का तर्फबाट काठमाडौं क्षेत्र नम्बर १ मा उम्मेदवार बनेका छन् । उनको नयाँ पार्टीको खासै चर्चा देखिँदैन ।
काठमाडौं क्षेत्र नम्बर १ मा अहिले चर्चित अनुहारहरू चुनावी मैदानमा छन् । गठबन्धनले कांग्रेसका प्रकाशमान सिंहलाई उम्मेदवार बनाएको छ । सिंह यही क्षेत्रबाट निर्वाचित निवर्तमान सांसद समेत हुन् ।
यस्तै एमालेबाट किरण पौडेल, राप्रपाबाट रवीन्द्र मिश्र र राष्ट्रिय स्वतन्त्र पार्टीबाट पुकार बम चुनावी मैदानमा छन् । अघिल्लो चुनावमा तत्कालीन विवेकशील साझा पार्टीका मिश्र र कांग्रेसका सिंहबीच प्रतिस्पर्धा भएको थियो ।
यो क्षेत्रमा गठबन्धनको ११ हजार भोट छ भने एमालेको ९ हजार ५४१ मत स्थानीय तह निर्वाचनमा आएको थियो । अघिल्लो निर्वाचनमा कांग्रेसका सिंहले १० हजार ९३६ मत ल्याएका थिए भने मिश्रले १० हजार ११८ मत ल्याएका थिए ।
काठमाडौं उपत्यकाको ललितपुर क्षेत्र नम्बर ३ बाट पूर्व सशस्त्र प्रहरीका डीआईजी कृष्णभक्त ब्रह्माचार्यले स्वतन्त्र उम्मेदवारी दिएका छन् ।
यो क्षेत्रमा गठबन्धनबाट ऊर्जामन्त्री पम्फा भुसाल चुनावी मैदानमा छिन् । भुसाल यही क्षेत्रबाट २०६४ र २०७४ मा निर्वाचित भएकी थिइन् । २०७० मा भने उनी उम्मेदवार नै बनिनन् ।
स्थानीय चुनावमा नेपाली कांग्रेसले १८ हजार ५४५ र माओवादी केन्द्रले ७ हजार ७२७ मत ल्याएका थिए । यो क्षेत्रमा नेकपा एसको मत ५ हजार १२९ रहेको छ ।
यहाँ नेकपा एमालेले १७ हजार ७०९ र राप्रपाले ४ हजार ३४२ मत ल्याएका थिए । प्रहरी संगठनमा कमाएको चर्चाले चुनावी मैदानमा काम गर्ला कि नगर्ला, हेर्न बाँकी छ ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...