नेपाली सेनाका प्रधानसेनापति प्रभुराम शर्मा र नेपालका लागि चीनका राजदूत होउ यान्छीबीच बुधवार भेटवार्ता भएको छ । प्रधानसेनापति शर्मा र राजदूत होउबीच नेपाली सेनाको मुख्यालय जंगी अड्डामा भेटवार्ता भएको हो । 

भेटघाटमा प्रधानसेनापति शर्माले महामहिम राजदूतले पूरा गरेको सफल कार्यकालको लागि बधाइ दिँदै सुखद् भविष्यका लागि शुभकामनासमेत दिएका थिए । यस किसिमको भेटघाटले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास सेनाले लिएको छ । 

राजदूत होउ आफ्नो कार्यकाल पूरा गरी स्वदेश फिर्ता जान लागेकी छन् ।