कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
कात्तिक २५, २०७९
प्रधानमन्त्री शेरबहादुर देउवाको गृहजिल्ला डडेल्धुरामा बुधवार सुदूरपश्चिमकै सबैभन्दा ठूलो मानिने उग्रताराको मेला चलिरहेको थियो ।
डडेल्धुरा, डोटी, बैतडी, कैलालीलगायत जिल्लाका हजारौं दर्शनार्थी मेला भर्न उग्रतारा मन्दिरमा आएका थिए ।
मन्दिरको गेटमा काँधमा राष्ट्रिय झण्डा बोकेका युवासँग सेल्फी लिनेको भीड थियो । युवाहरूको सेल्फी आकर्षण बनेका थिए– इन्जिनीयर सागर ढकाल । जो अहिले प्रधानमन्त्री समेत रहेका कांग्रेस सभापति देउवासँग डडेल्धुराबाट चुनावी प्रतिस्पर्धामा छन् ।
नयाँ मतदातादेखि मतदाता नामावलीमा नामै नरहेका युवायुवती पनि सागरसँग सेल्फी खिच्न व्यस्त थिए । उग्रतारा मेलापछि दोस्रो आकर्षण सागर थिए ।
गुल्मीको सत्यवती गाउँपालिकामा जन्मेका ढकालले पुल्चोक इन्जिनीयरिङ क्याम्पसबाट इन्जिनीयरिङमा स्नातक गरेका छन् । उनी बेलायतको अक्सफोर्ड विश्वविद्यालयमा समेत अध्ययन गरेर नेपाल फर्केका हुन् ।
२०७४ सालतिर बीबीसीको साझा सवाल कार्यक्रममा प्रधानमन्त्री देउवालाई प्रश्न सोधेर चर्चामा आएका ढकाल उनै देउवाविरुद्ध चुनाव लड्न डडेल्धुरा आएका छन् ।
चुनाव चिह्न सुई लिएर डडेल्धुराबाट प्रतिनिधि सभामा उम्मेदवारी दिएका ढकाल सामाजिक सञ्जालहरूमा चर्चाको केन्द्रमा छन् ।
काठमाडौंबाट रात्रि बस चढेर डडेल्धुरामा उम्मेदवारी दिन हिँडेको दिनदेखि नै सामाजिक सञ्जालहरूमा ढकालको चर्चा छ ।
डडेल्धुराका स्थानीय मतदाता लोकबहादुर देउवाले स्थानीयले परिवर्तन चाहेकाले ढकाललाई मत हाल्ने बताए । मत हाल्ने बताएका देउवालाई ढकालले हातमा ढोग गरे ।
‘हजुरहरूको आशीर्वाद मिल्यो भने यहाँको मुहार फेर्नेछु । यसपटक मलाई भोट दिनुहोला,’ ढकालले भने ।
यत्तिकैमा एकजना युवा ‘तपाईंलाई भोट हाल्न काठमाडौंबाट आएको’ भन्दै फोटो खिच्न आइपुगे । उनी डडेल्धुराको अमरगढी नगरपालिकाकै मतदाता हुन् ।
‘जनताको घरमा बसिरहेको छु, डडेल्धुराको माया पाएको छु’
पहेंलो कुर्ता, सेतो सुरुवाल र ढाका टोपीमा देखिएका ढकालले सामान्य चप्पल लगाएका थिए । मेला भर्न आएका कतिपय मतदातालाई उनले हातमा ढोग्दिएका थिए, जसलाई यसअघि उनले गाउँमा भेटेका थिए ।
२०४८ सालदेखि लगातार चुनाव जित्दै आएका देउवाले यसपटक सत्ता गठबन्धनका कारण विगतभन्दा सहज महसूस गरिरहेका छन् । डडेल्धुरामा एमालेको उम्मेदवार छैन । एमालेले कांग्रेससँग विद्रोह गरी नेपाली कांग्रेस (बीपी)बाट उम्मेदवारी दिएका कर्ण मल्ललाई समर्थन गरेको छ, जसका कारण पनि देउवाले चुनाव जित्न सहज महसूस गरिरहेका हुन् ।
यस्तो अवस्थामा पनि सागर देउवासँगको चुनावी प्रतिस्पर्धा आफूलाई सहज नै लागिरहेको दाबी गर्छन् ।
‘क्याम्पस पढ्दादेखि नै म चुनौती स्वीकार्ने मान्छे हो । सजिलो काम भयो भने त निद्रा लाग्छ । चुनौती स्वीकरेरै म यहाँ आएको हो,’ ढकालले भने ।
सागर चुनाव लड्न डडेल्धुरा गएकोमा परिवारका सदस्यहरू सन्तुष्ट छैनन् । तर पनि राजनीतिमा होमिने आकांक्षाले उनलाई डडेल्धुरासम्म ल्याइपुर्यायो ।
‘यहाँ कसको क्रेज छ देख्नु भएन ? जनताले परिवर्तन चाहिरहेको बुझ्नुभएको छैन ?’ युवाहरूलाई देखाउँदै सागरले भने ।
इन्जिनीयरको रूपमा विदेशमा कामको अवसर भए पनि देशको बेहाल देखेर आफू राजनीतिमा जोडिन आएको ढकालले बताए । ‘बेलायतमा पढेपछि मलाई अन्तर्राष्ट्रिय जागिरको अफर थियो । तर ठूला महलमा बसे पनि नेपालको विमानस्थलमा युवाका लाश आएको दृश्यले मलाई रुवाइरहन्छ । त्यो अवस्था बदल्न यहाँ आएको हुँ,’ ढकालले भने, ‘चुनाव जितेपनि हारेपनि राजनीति छाड्दिनँ, म थाकेको छैन ।’
‘देउवाले तपाईंको कुरा सुन्नु छैन भनेर बाहिर पठाउनुभयो’
डडेल्धुराबाट प्रतिनिधिसभाका उम्मेदवार ढकालले प्रतिस्पर्धी सबै राजनीतिक दलका उम्मेदवारसँग कुराकानी भइरहेको बताए । ‘शेरबहादुरजीसँग पनि भेट भयो । उहाँले भयो धेरै कुरा नगर्नुस्, तपाईंको कुरा सुन्नु छैन भनेर बाहिर पठाउनुभयो,’ देउवासँगको भेटबारे ढकालले भने ।
गत साता देउवा डडेल्धुरा आउँदा सागर फूलमाला लिएर स्वागत गर्न गएका थिए । कांग्रेस कार्यकर्ताले आफूलाई प्रचारप्रसारमा अवरोध गरेको भनेर सागरले दाबी गरे पनि देउवाले सागरको गतिविधिमा हस्तक्षेप नगर्न कांग्रेस कार्यकर्तालाई निर्देशन दिएका छन् ।
‘त्यो सागरसँग मेरो प्रतिस्पर्धा पनि होइन, प्रजातन्त्रमा चुनाव लड्न सबैलाई स्वतन्त्रता छ । रहर गर्नेलाई प्रचार गर्न दिनुस् । अवरोध नहोस्,’ देउवाले कांग्रेस कार्यकर्तालाई निर्देशन दिँदै भनेका थिए ।
देउवाले आफ्नो कुरा नसुनेकोमा उनलाई गुनासो छैन । ‘जनताले मेरो कुरा सुनेका छन्, मलाई आशीर्वाद दिएका छन् । चुनाव जित्नेमा म ढुक्क छु । कथंकदाचित चुनाव जितिनँ भने पनि म इञ्जिनीयर हो, मैले केही गुमाउनुपर्दैन,’ ढकालले भने ।
ढकालको उम्मेदवारीलाई लिएर डडेल्धुरामा मिश्रित प्रतिक्रिया छ । देउवाविरुद्ध उम्मेदवारी दिन हिम्मत गरेको भन्दै कतिपयले प्रशंसा गरिरहेका छन् भने दुस्साहस गरेको भनेर कतिपयले ठट्टा गरेका छन् ।
अमरगढी– ८ का स्थानीय जेठबहादुर सखीले युवा उम्मेदवारले पनि यसपटक चुनावी माहोल सिर्जना गरेको बताउँछन् । ‘डडेल्धुरामा नयाँ उम्मेदवारको पनि चर्चा छ,’ उग्रतारा मन्दिरका पुजारी समेत रहेका सखीले भने ।
सभापति शेरबहादुर देउवाको चुनावी प्रचार अभियानमा हिँडेका एक जिल्लास्तरीय नेताले डडेल्धुराका मतदाताले ‘टुरिस्ट’ उम्मेदवार नचिन्ने टिप्पणी गरे ।
‘सागर नितान्त प्रचारका लागि यहाँ आएका हुन् । उनले अहिलेसम्म जति पढेका छन्, त्यो भन्दा ठूलो पाठ डडेल्धुराबाट सिकेर जानेछन्,’ अमरगढीमा भेटिएका नेपाली कांग्रेसका ती नेताले भने ।
उम्मेदवारी खारेज भएका निकोलस पनि डडेल्धुरामा
राज्यकोषबाट छात्रवृत्ति लिएर अध्ययन गरिरहेको भन्दै सर्वोच्च अदालतले उम्मेदवारी खारेज गरिदिएका डा. निकोलश भुसाल पनि सागरलाई चुनाव जिताउन भन्दै डडेल्धुरामा आइपुगेका छन् ।
रूपन्देही– २ बाट उम्मेदवारी दर्ता गराएका भुसालको उम्मेदवारी खारेज गर्ने निर्वाचन आयोगको निर्णय सर्वोच्चले सदर गरिदिएको थियो ।
सागरलाई चुनाव जिताउनका लागि काठमाडौंबाट केही स्वतन्त्र युवाहरू डडेल्धुरा आएका छन् ।
चन्द्रसूर्य अंकित राष्ट्रिय झण्डा काँधमा राखेर भुसाल लगायतको टोली बुधवार सागरलाई भोट माग्दै हिँडिरहेको भेटियो । ‘सागरलाई जिताउन आएको हुँ, माहौल राम्रो पाएँ,’ भुसालले भने ।
उम्मेदवार ढकालले बाहिरबाट आएका सबै साथीहरू आफ्नै खर्चमा बसिरहेको बताए ।
‘मैले कुनै दिन मासु भात खाएको छैन, प्रोटिन पुग्दैन भनेर अभियानमा हिँडेका साथीहरूले कहिलेकाहीँ अण्डा खाएका छन्,’ चुनावी खर्च कसरी जुटाएको छ भनेर सोधिएको प्रश्नमा ढकालले भने, ‘म प्रायः गाउँमा हुन्छु । गाउँमा खाएको पैसा लिनहुन्छ, बसेको लिनुहन्न ।’
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...